საქართველოს ნაკრების 31 წლის ცენტრალური მცველი საბა კვირკველია, რომელმაც სამი დღის წინ "ნეფთჩისთან" კონტრაქტი გაწყვიტა, კარიერას საუდის არაბეთში გააგრძელებს.
საბა 30 წლის რუმინელ მცველ ანდრეი ბურკასთან (კლუჟი) ერთად საუდის არაბეთის უმაღლეს დივიზიონში აღზევებულ "ალ ოხდუდში" გადავიდა.
კვირკველიამ "ალ ოხდუდთან" 1+1 სისტემის ხელშეკრულება გააფორმა.
"ალ ოხდუდი" ქვეყნის სამხრეთში მდებარე ქალაქ ნაჯრანის გუნდია, 1976 წელს დაარსდა, საშინაო მატჩებს 12-ათასიან "გრაუნდ პრინს ჰატლულზე" ატარებს, ორჯერ აქვს მოგებული მეორე დივიზიონი, წელს მესამე ადგილზე გავიდა და ელიტურ ლიგაში დაბრუნდა.
azerisport: "ნეფთჩიმ" კვირკველიას კონტრაქტი გაუწყვიტა
წარმატებები საბას.