დონეცკური გუნდის ახალმა მწვრთნელმა მარინო პუშიჩმა ირაკლი აზაროვი სასტარტოში დააყენა (გიორგი გოჩოლეიშვილი სათადარიგოთა შორის დატოვა), მატჩი კი მასპინძლებმა აქტიურად დაიწყეს, რომელთაც ძირითადი შემადგენლობის შვიდი ფეხბურთელი აკლდათ და ახლო მანძილიდან ფერმინის დარტყმული ბურთი მეკარე რიზნიკმა მოიგერია. „მეშახტეები“ თავს იცავდა და უხიფათო კონტრიერიშებით პასუხობდა. „ბარსამ“ თანდათან ზეწოლა გააძლიერა, განსაკუთრებით, მარჯვენა ფლანგიდან, სადაც იამალის წინააღმდეგ აზაროვი თამაშობდა. კანსელუს რიზნიკმა არ გაატანინა, ხოლო მომდევნო ეპიზოდში დაწინაურდნენ - ფერმინის დარტყმული ბურთი ძელს მოხვდა, დამატებაზე კი ფერან ტორესმა მეტოქის კარი დალაშქრა. ცოტა ხანში ფერმინმა თავისი პირველი საჩემპიონთალიგო გოლით ანგარიში გაზარდა.
მეორე ტაიმში „ბარსელონა“ ისევ ფლობდა უპირატესობას, „შახტარმა“ კი სხვაობა შეამცირა - აზაროვმა შესანიშნავი პასით სუდაკოვი მეკარე ტერ შტეგენთან პირისპირ გაიყვანა და მან ბურთს კატალონიელთა კარში მიუჩინა ადგილი. ამას ფერმინის ორი მომენტი მოჰყვა - ძელს გარტყმული ბურთი და თამაშგარეს გამო ჩაუთვლელი გოლი. დონბასელები შეხვედრის დასასრულს გააქტიურდნენ. ირაკლიმ კარგი პასი სტეპანენკოს გაუკეთა, რომელმაც მიზანს ვერ უწია და უკეთესმა გუნდმა ელ კლასიკოს წინ გაიმარჯვა.
„შახტარი“ H ჯგუფში 3 ქულით მესამე ადგილზეა და ტურნირზე შემდეგ მატჩს 7 ნოემბერს ჰამბურგში „ბარსელონასთან“ ჩაატარებს.
ბარსელონა. "ოლიმპიკ ლიუის კომპანისი". 41 409 მაყურებელი
ბარსელონა - შახტარი 2:1
გოლები: 1:0 ფერან ტორესი (28), 2:0 ფერმინი (36), 2:1 სუდაკოვი (62)
ჰო, იმ ვითომ-პატრიოტ ევროპელზე ვამბობ, რომელზეც სიყვარულების გარეშე დაწერილ კომენტარებს ადისლაიქებთ და მერე, თქვენს სიყვარულების გახეთქილ ბუშტებზე დისლაიქის ავტორებს ბოღმიანებს ეძაღით, თქვე სეთურის ღირსეულო სამწყსოვ, თქვენ )) მაგარი დაქოქილი კი ყავხართ ძია სემს..
ისიც ნიშანდობლივია, ამ სტატიას შესაბამისი ვიდეო რომ არ ახლავს ))