"კვარამ" დაცვაში არ უნდა ირბინოს - დე ლაურენტისის პროექტი ჩავარდა" - ნეაპოლში ვნებათაღელვაა, ფედელე კი სიმართლეს ამბობს

ყოველთვის ამას ვწერ და დავწერ შემდეგში, რომ ხვიჩა და ოსიმენი თავის საჯარიმომდე უნდა მიდიოდნონ და მოგერიებულ ბურთს უნდა ყარაულობდნონ, რომ მერე ელვისებური კონტრშეტევა განახორციელონ. ისინი თუ საჯარიმოს გარეთ იქნებიან მათთან 3-4 მცველი აუცილებლად დარჩება და ეს ხალხი მოწინააღმდეგის შეტევას მოკლდება. დღეს რა გვაქვს? ხვიჩა და ოსიმენი თავის შტანგამდე ჩადიან, ამ დროს მოწინააღმდეგე 10 კაცით უტევს და ყველა მოგერიებული ბურთი მათია. ნაპოლიმ საერთოდ დაივიწყა რაა ცოცხალი კედელი, მით უმეტეს ხვიჩას ფლანგზე. დამდგარ ხვიჩას ბურთი საერთოდ არ უნდა მიაწოდო, რადგან მასთან მომენტალურად ჩნდება 2-3 მცველი. ხვიჩა უნდა ეძებდეს დაუცველ ადგილებს და ბურთს მოძრაობაში იქ უნდა იღებდეს, ამ შემთხვევაში ძალიან გაძნელდება მისი დაჭერა. დღეს რა გვაქვს? დგას ხვიჩა გვერდით ხაზთან და მის წინ ერთი მცველია, აწოდებენ ხვიჩას ბურთს და იმ წუთში მცველის უკან მეორე მცველი ჩნდება, მესამი კი მზადაა დასახმარებლად. ხვიჩაც იძულებულია ბურთი უკან დააბრუნოს. ვერ გავიგე, ამას ვერ ხედავს მწვრთნელი? ან მეორე დღეს თამაშს არ არჩევენ და არ უთითებს მწვრთნელი ვინ სად და როდის მიქარა?

თავის დროზე, მეც და სხვებმაც, ამ საიტზე, აღვნიშნეთ, რომ ხვიჩა არ უნდა ჩამოდიოდეს ღრმად დაცვაში. ჯერ ერთი, დამღლელია წინ და უკან, დაცვიდან შეტევაში და შეტევიდან დაცვაში წარამარა სირბილი. მაგას სერიოზული ფიზიკა ჭირდება. და მეორე, ხვიჩა რომ უკან ჩამოდის, ის მცველიც ხომ მოყვება და მეტოქის შემტევებს რაოდენობრივად ზრდის. სწორად აღნიშნეს აქ, ამავე მიზეზით, თავის დროზე, ახალკაცმა აუკრძალა ყიფიანს უკან ჩამოსვლა. ხოლო ანჩელოტიმ კალაძეს, რომელსაც გენიოსს უწოდებდა, შეტევაში ჩართვა და ნახევარდაცვის ხაზის გადაკვეთა აუკრძალა. იცის კარლომ რა შეუძლია სწრაფ კონტრშეტევას და და მისი გენიოსობა იმაშიც მდგომარეობს, მისი გაწვრთნილი გუნდები ყოველთვის ახერხებდნენ მოულოდნელ კონტრშეტევებს, სანამ მეტოქე დაცვის ორგაბიზებას მოახერხებს. გაიხსენეთ რეალთან შეხვედრისას ნაპოლის კარში გასული პირველი გოლი. ანჩელოტის გაწვრთნილი გუნდები ყოველთვის ახერხებენ სწრაფ კონტრშეტევებს და ზედმეტი, კარში დამრტყმელი ფეხბურთელის ხელსაყრელ პოზიციაზე გაყვანას. ამის ანტიპოდია საქართველოს ნაკრები, რომელიც ცალკეული ფეხბურთელების ინდივიდუალური მცდელობის გარდა, ვერ ახერხებს სისტემაში მოიყვანოს დაცვიდან შეტევაში და შეტევიდან დაცვაში გადასვლის სწრაფი მონაცვლეობის სტილი. იგივე ჭირს ნაპოლის ამ სეზონში. გუნდმა ეფექტურ მოძრაობებს და სისწრაფეს უკლო. თუმცა ეს იტალიელების პრობლემაა. ჩვენ ჩვენს მივხედოთ.