"სად გაქრა კვარაცხელია?" - რას წერს იტალიური პრესა ხვიჩას შესახებ

სად გაქრა ათ მილიონიანი ხელფასის მქონე ოსიმენი???პირდაპირი თუ გადატანითი მნიშვნელობით?!ყველაფერი გინდათ სათადარიგოების მსგავსი ხელფასის მქონე კვარაცხელიამ გააკეთოს?!

შარშანდელთან შედარებით, კვარამ თამაშს მოუკლო, თუმცა ეს შედეგია. მიზეზი კი რა არის? მისი ოჯახური მდგომარეობა, გარდა იმისა, რაც საჯაროდ ბაზრდება, არ ვიცი და არც არის ჩემი საქმე. სხვასაც ვურჩევ, ზედმეტი ჭორაობისგან და ბოღმა კომენტარებისგან თავი შეიკავოს. აი გუნდში კი ნამდვილად განუკითხაობაა...ნაპოლის დაცემის მთავარი მიზეზი ლაურენტესია - უსამართლო, ძუნწი, ავადმყოფურად ამბიციური კაცი, რომელსაც ფეხბურთი არ ესმის და მას ფულის შოვნის და პატივმოყვარეობის დაკმაყოფილების საშუალებად მიიჩნევს. მის მიერ „იაფად“ ნაშოვნ-მოყვანილ ახალ ფეხბურთელებს როგორ შეაფასებდით? მით უმეტეს სპალეტის, ჯუნტოლის და კიმის წასვლის შემდეგ? ჰა, თქვით, კოჭებში რას ატყობთ? მწვრთნელებზე როგორი აზრის ხართ? კონტემ პირდაპირ თქვა, პირობებზე ვერ შევთანხმდითო, დანარჩენმა მწვრთნელებმა კი ლაურენტესს უარი სხვადასხმა მიზეზით უთხრეს - იციან რა ოქროც არის. ჰოდა, ადგა და უმუშევარ და გუნდიდან დათხოვნილ მწვრთნელებს დაერია. იტალიაში ნაპოლი საშუალო დონის გუნდია, ევროპაში - საშუალოზე დაბალი. შარშან ხვიჩა-ოსიმენ-კიმის ძალიან მაგარმა თამაშმა და იტალიის ლიგაში რამდენიმე ფაქტორის დამთხვევამ განაპირობა გუნდის წარმატება, მაგრამ ეს შარშან იყო...წელს რა ხდება? გინახავთ გუნდი, ხვიჩასნაირი მოთამაშე ჰყავდეს და არ იყენებდეს? რუის ფლანგი გადირკულია - უმეტესი გოლები და საგოლე პასები მისი „დამსახურებაა“, თავის ფუნქციას ვერ ასრულებს და უპატრონო თხასავით სულ წინ გარბის. ბარემ გაუცვალოს ადგილი კვარას, ყველას ეცოდინება მაინც, ვინ სად დგას. ან როგორ და როდის აძლევს პასს? მაშინ, როდესაც 5 მეტრზე მიუტანს ბურთს, როცა მოწინააღმდეგის გუნდი უკვე გადმოწყობილია და კვარას მინიმუმ ორი ფეხბურთელი ბოჭავს...რამდენჯერ გვინახავს, კვარამ ბურთი უკან კი დაუბრუნა, მაგრამ შემდეგ დიდი სისწრაფე აკრიფა საჯარიმოსკენ ან მარცხენა ფლანგისკენ იმ იმედით, რომ ატრივზე ბურთს მიიღებდა , მაგრამ უშედეგოდ - პასს არავინ აძლევდა. ეს მწვრთნელის დასალაგებელია, მაგრამ ალაგებს? შედარებისთვის, კვარა-ოსიმენი რატომ უგებენ ერთმანეთს? იმიტომ, რომ ორივე ჭკვიანი და მოფიქრალი ფეხბურთელია-იციან, როდის სად შეიძლება იყოს პარტნიორი, ზურგითაც კი გრძნობენ ერთმანეთს ...სანამ ზანტაკი ანგისა ზლაზნით ათრევს ბურთს, დააკვირდით, რამდენს მოძრაობს კვარა, ხანდახან ხელაწეულიც და პასს ითხოვს და რა, აძლევენ პასს? და რამდენი ასეთი კიდევ. აბა ითამაშოს რეალში, ბარსაში, ლივერპულში, სხვა ტოპ გუნდებში, სადაც მაგარი ფეხბურთელები არიან, პასიც იციან და სივრცის ათვისება-ჩაკეტვაც, ნახავთ, ვინმეზე ნაკლები თუ იქნება... მოკლედ, რასაც ვფიქრობ, ის დავწერე, შეიძლება ვცდები კიდეც, მომავალი გვიჩვენებს, ვინ იყო მართალი...