ლიგა 2-ის 26- ტურში „ბორდომ“ სახლში „გენგამი“ 1:0 დაამარცხა.
უკვე 57-ე წამზე თავის ტრავმა მიიღო მასპინძელთა გუნდის თავდამსხმელმა ელისმა, თამაში მხოლოდ 9 წუთის შემდეგ განახლდა და დაშავებული ფეხბურთელი, რომელიც მოედნიდან საკაცით გაიყვანეს, ლივოლანმა შეცვალა. „ეკიპის“ ცნობით, ელისის ჯანმრთელობას საფრთხე არ ემუქრება, თუმცა გამოკვლევის ჩასატარებლად კლინიკაში გადაიყვანეს. ჟირონდელები უპირატესობას ფლობდნენ, მე-40 წუთზე პირისპირ გასულ დავითაშვილს გატანა მეკარე ბასილიომ არ დაანება, გადმოვარდნილი ბურთი ლივოლანმა დაარტყა და მეკარემ ფეხით მოიგერია, დამატებაზე კი ვიპოტნიკმა გაიტანა.
დავითაშვილი 86-ე წუთზე შეცვალეს, ანგარიში კი არ შეიცვალა და
მისმა გუნდმა გაიმარჯვა. ზურიკოს თამაში ანალიტიკურმა საიტებმა შეაფსეს: sofascore 6.9, flashscore 6.4.
„ბორდომ“ 35 ქულით მე-13 ადგილზეა, ლიგა 1-ში გადასასვლელ პლეი-ოფის ზონას 5 ქულა აშორებს და 2 მარტს გასვლაზე „როდეზს“ დაუპირისპირდება.
ბორდო. „მატმიუტ-ატლანტიკი"
ბორდო - გენგამი 1:0
გოლი: ვიპოტნიკი (40)
ზურიკო შეცვლაზე შევიდა - "ბორდომ" "მონპელიესთან" ქულა მოიპოვა
![დავითაშვილმა შეუცვლელად ითამაშა - "სენტ-ეტიენმა" "მარსელთან" მარცხი განიცადა [VIDEO]](/pictures/image7/200729f8e2ae9705d1a3a0a8f365e779.jpg "დავითაშვილმა შეუცვლელად ითამაშა - \"სენტ-ეტიენმა\" \"მარსელთან\" მარცხი განიცადა [VIDEO]")
