როგორი შეფასება მიიღო ხვიჩა კვარაცხელიამ "ინტერთან" მატჩში?

ჩვენსა თუ უცხოელ გულშემატკივართა საკმაოდ დიდ ნაწილს ჩამოუყალიბდა შეხედულება, რომ კვარას თითქოსდა უჭირს დიდ გუნდებთან თამაში. ამ თემის ასე დაყენებას, ცოტა არ იყოს გულუბრყვილო ელფერი დასდევს. სპალეტის ნაანდერძევი ნაპოლი, იდეალში უნდა ხასიათდებოდეს უაღრესი ინტენსივობით პირველ რიგში, ისევე როგორც დომინანტური ბურთის ფლობით, ბურთის ზონაში რიცხობრივი უპირატესობის ორგანიზებით, მკაცრი ბალანსითა და ხაზებს შორის სინქრონული ურთიერთქმედებით. ამ ჩარჩო-ხერხემლის მორღვევას სპალეტი არ პატიობდა არავის, ლიდერებსაც კი. შესაბამისად, თავიდან ხვიჩას მიმართაც გამოთქვამდა ტაქტიკური ხასიათის პრეტენზიებს, იმ მომენტისათვის მისი მაღალი საშემსრულებლო ოსტატობის დემონსტრირებისა და წარმატებული პროდუქტიულობის მიუხედავად.რასაც მავანი სპალეტის უმადურობასაც მიაწერდა. რეალურად სხვაგვარად ეს მანქანა არ მუშაობს, რისი მომსწრენიც გავხდით ამ სეზონში. პატარა გუნდებს უჭირთ ასეთ ფეხბურთზე ფეხის აყოლა, მათთან დასაშვებია თავს ცოტა იმპოვიზაციის უფლება მისცე, მათგან უსწრაფესი კონტრშეტევების მიღების შანსებიც დაბალია, როგორც ამას დიდები მოახერხებენ. დიდ და განსწავლულ გუნდებთან დრიბლინგები და მეტიც, თამაშის თავზე აღება დიდ რისკებთანაა დაკავშირებული. მათი დაცვითი სისტემების ინდივიდუალური მოქმედებებით გარღვევის მცდელობები ფეხბურთის წარსულია. აი მაგალითი: როცა მანჩესტერში ახალგადასულმა ენტონიმ თამაშიდან ამოვარდნილი "წარმატებული" დრიბლინგები დაიწყო, ეგრევე ჯამბაზად მონათლეს. ხვიჩას ტალანტი უპირველეს ყოვლისა იმაში ვლინდება, რომ ზედმიწევნით კითხულობს თამაშს და თან როგორ - გამოთქმით, მხატვრულად! შედეგად ძერწავს ისე, რამდენადაც მაქსიმალურად შესაძლებელია ნაპოლისნაირ გუნდთან ერთად. გასაგებია, რომ შოუ გვინდა ბევრი და ეხლა, მაშინ ვუსურვოთ ხვიჩას დიდ გუნდში გადასვლა,თანაც რაც შეიძლება მალე, აი როდის აღარ მოგვაკლდება ხშირ-ხშირად კვარაშოუ ფენომენის შესრულებით!

ხვიჩა ცოდვაა ამ გუნდში