ნეაპოლურმა კლუბმა ახალი მწვრთნელი ანტონიო კონტე ოფიციალურად წარადგინა. მან პრეზენტაციაზე ხვიჩა კვარაცხელიასა და ჯოვანი დი ლორენცოს თაობაზე ისაუბრა:
"ჩვენ კვარაცხელიას საკითხით კლუბთან ერთად ვართ დაკავებული. პრეზიდენტისგან მხოლოდ ერთი გარანტია მინდოდა მიმეღო - რომ სწორედ მე გადავწყვეტ, ვინ დარჩება და ვის შეუძლია წასვლა. ამ საკითხში კატეგორიული ვიყავი, რადგან საუკეთესო ფეხბურთელების გასხვისება ნონსენსია.
"კვარას" ყოველთვის რაღაც განსაკუთრებულის გაკეთება შეუძლია, ფანტაზია გააჩნია და საგოლე გადაცემების გაკეთება ეხერხება, ფლანგზეც თამაშობს და ცენტრშიც. მის უნარებს გავაფართოებთ და გავამხნევებთ.
დი ლორენცოს არა მარტო ტოპ-ფეხბურთელად, არამედ გასახდელში მნიშვნელოვან ფიგურად ვთვლი.
მათ ვესაუბრე, რადგან მინდოდა ჩემი იდეები გადამეცა. თავიანთი აზრები მათაც გამიზიარეს. თუ ყველა საკითხი გადაწყდა, მაშინ მოთამაშეები, რომლებიც პროექტის ნაწილს წარმოადგენენ, ასი პროცენტით ჩემთან, "ნაპოლიში" დარჩებიან. ეს ყველასთვის გასაგები უნდა იყოს. გუნდს აუცილებელია იმაზე მკვეთრად ჩამოყალიბებული იდეები ჰქონდეს, თუ რის გაკეთებას ვაპირებთ".
დე ლაურენტისმა კონტეს პრეზენტაციაზე კვარაცხელიაზე განცხადება გააკეთა
"იმედია, რონალდოს მაისურს მე მივიღებ" - კვარაცხელია
