„ნაპოლიმ“ წინასასეზონო თერთმეტდღიანი პირველი შეკრება დიმაროში „მანტოვას“ 3:0 დამარცხებით დაასრულა. Areanapoli-ცნობით, მწვრთნელმა ანტონიო კონტემ ფეხბურთელები ვარჯიშებზე გატანჯა, გუნდი დღეს ნეაპოლში დაბრუნდა, რამდენიმე დღე დაისვენებენ და შემდეგ მეორე შეკრებას კასტელ-დი-სანგროში დაიწყებენ.გამოცემა წერს, რომ კონტეს ძალიან აკლდა ევროპის ჩემპიონატის მერე შვებულებაში გასული ფეხბურთელები, ერთი სული აქვს ხვიჩა კვარაცხელიას და ჯოვანი დი ლორენცოს როდის ნახავს და გადაეხვევა.
კონტემ „მანტოვასთან“ ნამატჩევს მოკლე კომენტარი გააკეთა. „გამარჯვებები თვითრწმენის დამკვიდრებაში გვეხმარება. ბურთის უკეთ კონტროლირება გვჭირდება. ძალიან კმაყოფილი ვარ აგრესიულობით
სამზადისს აჩქარების გარეშე შევუდექით. გუნდი ადაპტაციას გადის. თანდათან ბიჭები უფრო მეტს გაიგებენ. მთავარია კოლოსალური ინტენსივობით ვითამაშოთ. არ მინდა გუნდი უკან იდგეს და მარცხის საშიშროების წინაშე აღმოჩნდეს. მეტი გამჭოლი გადაცემების გაკეთება გვმართებს“, - ციტირებს კონტეს Football Italia.
კვარაცხელია "ნაპოლის" 25 ივლისს შეუერთდება.
![alt](/pictures/image50/a18d143fabc8ba79c541c68d0ff62f1b.png "კონტემ ფეხბურთელები გატანჯა და ერთი სული აქვს, "კვარას" როდის გადაეხვევა - იტალიური მედია")
ლუკაკუს "ნაპოლიში" "კვარაზე" მაღალი ანაზღაურება ექნება - ბელგიელმა "პარტენოპეისთან" პირადი კონტრაქტის დეტალები შეათანხმა
