სტუმართა გუნდის ნახევარმცველი ზურიკო დავითაშვილი მწვრთნელმა ოლივიე დალ'ოლიომ სასტარტოში დააყენა. ქართველი აქტიური იყო, 22-ე წუთზე კარგი მომენტი ვერ გამოიყენა, 39-ე წუთზე კი მასპინძლები პენალტით იაპონელმა სიუტო მატინომ დააწინაურა. 64-ე წუთზე დავითაშვილმა მეტოქე ჩამოიცილა და იბრაჰიმ სისოკოს ანგარიში გაათანაბრებინა. შემდეგ ფრანგული გუნდის ახალზელანდიელმა ახალწვეულმა ბენჟამინ ოლდმა შორიდან დალაშქრა მოწინააღმდეგის კარი. 78-ე წუთზე მწვრთნელმა დალ'ოლიომ შვიდი ფეხბურთელი და მათ შორის ზურიკო შეცვალა, ხოლო ანგარიში არ შეიცვალა.
თუმცა, წინასწარი შეთანხმებით გუნდებმა ახალგაზრდული შემადგენლობებით კიდევ 30 წუთი თამაში გადაწყვიტეს, რომელიც 1:1 დასრულდა.
17 აგვისტოს ლიგა 1-ის პირველ ტურში „სენტ-ეტიენი“ გასვლაზე „მონაკოს“ დაუპირისპირდება.
კილი. „სასწავლო ცენტრი“
ჰოლშტაინი - სენტ-ეტიენი 1:2
გოლები: 1:0 მატინო (39, პენ), 1:1 სისოკო (64), 1:2 ოლდი (67)
ზურიკო შეცვლაზე შევიდა - "სენტ-ეტიენს" "ხეტაფემ" სძლია
![დუბლი პლუს საგოლე პასი "ვილიარეალთან" - ზურიკოს დიდებული დებიუტი "სენტ-ეტიენში" [VIDEO]](/pictures/image7/13570ad99c62cc89c3523bfcb5ad93b0.jpg "დუბლი პლუს საგოლე პასი \"ვილიარეალთან\" - ზურიკოს დიდებული დებიუტი \"სენტ-ეტიენში\" [VIDEO]")
