![](https://sportall.ge/pictures/image5/b6c99a3cfeaea11a512e1432926a2b42.jpg)
Geo Team-ის ცნობით, "ვერონასთან" მატჩისას დაშავებული "ნაპოლის" გარემარბი ხვიჩა კვარაცხელია კლინიკაში გადაიყვანეს, სადაც ოთხი საათი იმყოფებოდა:
"ხვიჩა კვარაცხელიამ ცვლილების შემდეგ რამდენიმე საათი ჰოსპიტალში გაატარა.
Geo Team-ის ინფორმაციით, ქართველი ფეხბურთელი "ნაპოლის" სამედიცინო სტაფის წევრთან ერთად, ცვლილების შემდეგ, ვერონას ჰოსპიტალში წაიყვანეს და იქ დაახლოებით 4 საათი გაატარა.
ფეხბურთელი თავს ცუდად პირველი შეჯახების შემდეგ გრძნობდა, მთელ სხეულში დაბუჯებას გრძნობდა, ტაიმის ბოლოს ფიზიკურმა კონტაქტმა კი სიტუაცია გაართულა და თამაშის გაგრძელება ვეღარ შეძლო.
ახლა ყველაფერი მშვიდობითაა, ფეხბურთელი თავს კარგად გრძნობს. ხვიჩა გუნდისგან 2-დღიან დასვენებას მიიღებს.