"გაუწევს თუ არა მამარდაშვილი კონკურენციას "ლივერპულის" მეკარეებს?" - ჩელებაძის ინტერვიუ რუსულ მედიასთან

თბილისის "დინამოს" ლეგენდარულმა ფეხბურთელმა რევაზ ჩელებაძემ Metaratings-თან ინტერვიუში "ვალენსიას" კარის დარაჯის, გიორგი მამარდაშვილის შესახებ ისაუბრა.

ჩელებაძის თქმით, გიორგი სათამაშო სტილით რინატ დასაევს ჰგავს და საკუთარ თავზე გამუდმებით მუშაობს.

-გაუწევს თუ არა მამარდაშვილი "ლივერპულის" მეკარეებს კონკურენციას?
-არამხოლოდ გაუწევს, არამედ გუნდში საუკეთესო იქნება. ის უბრალოდ შესანიშნავია. დიახ, არის გარკვეული კომპონენტები, რომლებიც უნდა გააუმჯობესოს. მაგრამ კარის ხასზე ბრწყინვალეა.

-დაეხმარა ევროპის ჩემპიონატზე ასპარეზობა კარიერულ წინსვლაში?
-გეთანხმებით, ის ტურნირზე საუკეთესო იყო. ვერავინ იტყვის, რომ ევროპის ჩემპიონატზე მას რომელიმე სხვა მეკარემ აჯობა. მამარდაშვილი ფანტასტიური იყო. 23 წლის ასაკში უკვე მსოფლიოში ყველაზე ძვირადღირებული მეკარეა. არ უნდა დაგვავიწყდეს, რომ ლევ იაშინი, ფეხბურთის ისტორიაში ერთადერთი მეკარე, რომელმაც "ოქროს ბურთი" მოიგო, 25 წლის იყო, როდესაც ძირითად შემადგენლობაში თამაში დაიწყო.

პირადად მე, მამარდაშვილს რინატ დასაევს შევადარებდი, რომელიც ქართველზე მუდამ დადებითად საუბრობს. დასაევი საფეხბურთო კარიერის განმავლობაში მსოფლიოს საუკეთესო 5 მეკარეს შორის მუდამ შედიოდა, დარწმუნებული ვარ, ჩემი თანამემულის შემთხვევაშიც ასე იქნება", - განაცხადა ჩელებაძემ.

შეგახსენებთ, ცნობილი იტალიელი ჟურნალისტის ნიკოლა სკირას ინფორმაციით, მამარდაშვილი "ლივერპულთან" 6-წლიან კონტრაქტს გააფორმებს. ქართველი მეკარე "მერსისაიდელებს" 2025 წელს შეუერთდება, მიმდინარე სეზონს კი იჯარის წესით "ვალენსიაში" გაატარებს.

მამარდაშვილის აღებული პენალტი და მოგერიებული "მკვდარი ბურთი" - "ვალენსიამ" მაინც წააგო [VIDEO]

ცნობილია, რა თანხას მიიღებს თბილისის "დინამო" გიორგი მამარდაშვილის "ლივერპულში" ტრანსფერიდან

რა თანხას გამოიმუშავებს მამარდაშვილი "ლივერპულში" გადასვლის შემდეგ - ცნობილი გახდა, რა დეტალები დარჩათ შესათანხმებელი ინგლისელებს "ვალენსიასთან" ქართველის ტრანსფერის გასაოფიციალურებლად