ხვიჩა შეცვლაზე შევიდა - "ნაპოლიმ" "ჯენოას" სძლია [VIDEO]

AutoSharing Option
AUTO PLAY
სერია A-ს მეჩვიდმეტე ტურში „ნაპოლიმ“ გასვლაზე „ჯენოას“ 2:1 მოუგო.

სტუმრები ინიციატივას ფლობდნენ, ჯერ ლუკაკუმ ბურთი ხარიხას გაარტყა, შემდეგ ანგისამ ნერესის ჩაწოდებულ ბურთს თავით ლეალის კარში მიუჩინა ადგილი. ცოტა ხანში ნერესის მოპოვებული საჯარიმოდან ლობოტკამ ჩააწოდა, რაჰმანიმ მეორე სართულზე მეტოქეს აჯობა და ნეაპოლურმა გუნდმა პირველი ტაიმი 2:0 მოიგო.

შესვენების შემდეგ მასპინძლები გააქტიურდნენ, ჯერ პინამონტის მეკარე მერეტმა არ გაატანინა, თუმცა მალე მან ანგარიში მაინც შეამცირა. ტრავმამორჩენილი კვარაცხელია, რომელსაც ფეხი ჰქონდა შეხვეული, 73-ე წუთზე შევიდა შეცვლაზე, თამაში გაამწვავა, გარღვევის შედეგად მისი ჩაწოდებული ბურთი მცველმა
დაბლოკა, შემდეგ კი სწრაფი კონტრიერიშისას ფრენდრუპმა წააქცია და ყვითელი ბარათი მიიღო. დარჩენილ დროში გენუელებს ორი მომენტი ჰქონდათ, ერთხელ ნეაპოლელები ძელმა იხსნა, ხოლო მეორეჯერ მერეტმა და შეხვედრაც დასრულდა.

„ნაპოლი“ ამ მომენტისთვის 38 ქულით ლიდერია და 29 დეკემბერს „ვენეციას“ უმასპინძლებს.

გენუა. „ლუიჯი ფერარისი“

ჯენოა - ნაპოლი 1:2
გოლები: 0:1 ანგისა (15), 0:2 რაჰმანი (23), 1:2 პინამონტი (51)

alt"ნაპოლი" კულიბალის 14-ჯერ ნაკლებ ხელფასს სთავაზობს - რას გადაწყვეტს სენეგალელი

altნერეში თუ "კვარა"? - კონტემ "ჯენოასთან" მატჩის წინ გადაწყვეტილება მიიღო

alt"დე ლაურენტისი დათმობაზე წავიდა, ჯუღელის პირობები დაკმაყოფილდება" - "კვარას" ახალი ხელშეკრულების დეტალები ცნობილია

მკითხველის კომენტარები / 14 /
სამწუხაროდ, ჩანს, რომ ნერესი ხვიჩას სათადარიგოზე დასვამს. დროებით მაინც.
ხუტა
23:57 21-12-2024
29
წესით ვერ უნდა დასვას ნერესმა ხვიჩა სკამზე - კლასი აშკარად უფრო მაღალი აქვს. ერთი რაც არის ისეთ სიტუაციებში როცა ხვიჩა მოტყუებაზე წავიდოდა ნერესი უფრო მარტივად/ეფექტიანად/გუნდურად თამაშობს. ამაზე იქნება ყურადღება მისაქცევი.
Gogi
01:27 22-12-2024
2

ასევე დაგაინტერესებთ
სიახლეები პოპულარული