მიქაუტაძე სერია A-ს ერთ-ერთ გრანდში? - კლუბი არჩევანს ორ ფორვარდს შორის გააკეთებს

AutoSharing Option
იტალიური მედია დღეს დილიდან აქტიურად წერს იმის შესახებ, რომ სერია A-ს ბინადარი "რომა" საქართველოს ნაკრებისა და "ლიონის" ფორვარდის გიორგი მიქაუტაძის ტრანსფერითაა დაინტერესებული.

გავრცელებული ინფორმაციით, "მგლების" ტექნიკური დირექტორი ფლორენტ გისოლფი მთავარ მწვრთნელ კლაუდიო რანიერისთან ერთად ფორვარდს აქტიურად ეძებს და ორ ვარიანტს განიხილავს.

მოსალოდნელია, რომ "სტადიო ოლიმპიკოს" უახლოეს საათებში უზბეკი ელდორ შომუროდივი დატოვებს, რომელიც კარიერას "ვენეციაში" განაგრძობს, კლუბს კი დოვბიკის სრულფასოვანი შემცვლელი, ან უკრაინელთან კონკურენციაში მყოფი ფეხბურთელი აღარ ეყოლება. 

Sky Sport  წერს, რომ ახლა "ჯალოროსის" ორი ვარიანტი აქვს, ან "უდინეზედან" ლორენცო ლუკას დამატება, რომელიც
გუნდისთვის პრიორიტეტულია, ან "ლიონიდან" გიორგი მიქაუტაძის ტრანსფერი.

ლუკას სახელს აქტიურად "მილანსაც" უკავშირებენ და ჩვენი იტალიელი კოლეგები წერენ, რომ "უდინეზესთან" შეთანხმების მიღწევა ადვილი არ იქნება და ტრანსფერი დაახლოებით 20-25 მილიონ ევროდ ფასობს.

როგორც იცით, მიქაუტაძის სახელს "რომას" გასულ ზაფხულსაც უკავშირებდნენ. ახლა giallorossi.net გვამცნობს, რომ "ლიონი" ჩვენებურის დათმობას 30 მილიონზე ნაკლებად არ აპირებს.

გადაწყვეტილება "მგლების" მმართველებმა უნდა მიიღონ და არაა გამორიცხული, მალე "ლიონს" ქართველთან დაკავშირებით ოფიციალური წინადადებითაც მიმართონ.
მკითხველის კომენტარები / 9 /
დოვბიკის დუბლიორობაღა აკლია.
ჯონი
11:41 28-01-2025
0
დოვბიკი არაფერი ფორვარდია 8 გოლი კი შეაგდო, მაგრამ 5 პენალტით, გიოს თუ წაუვიდა და გაიტანა გოლები მაგას დასვამს სკამზე, მაგრამ ეგ მარტო ვანგამ იცის წინასწარ რა მოხდება.... პირდაპირ სათადარიგოდ წასვლა მაგრად ტეხავს ისე.
Givi
12:32 28-01-2025
2
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

სიახლეები პოპულარული