პსჟ-ის მიერ ჩემპიონთა ლიგაზე "ლივერპულის" დამარცხებას და ხვიჩა კვარაცხელიას კარგ თამაშს ცნობილი რუსი მწვრთნელი იური სიომინი გამოეხმაურა.
"ჩემი აზრით, ეს მატჩი ამ ჩემპიონთა ლიგაზე საუკეთესო იყო - ხარისხით, ემოციებით, ყველაფრით. სრულიად განსხვავებული "პარი სენ ჟერმენი" ვნახეთ. მბაპეს შემდეგ უფრო გუნდური გახდნენ, რადგან მეტს უტევენ და ყველანი თავს იცავენ. დაცვაში ხვიჩა, დემბელე და ბარკოლა მიდიან. უფრო ერთიანი გუნდია.
კვარაცხელია ბრწყინვალედ თამაშობს. როდესაც საჭიროა, გუნდისთვის მუშაობს, როცა აუცილებელია, ინდივიდუალური მოქმედებებით გამოირჩევა. ბალანსის ერთიანობა იმაზე მეტყველებს, რომ გუნდში სრულად ინტეგრირებულია და მნიშვნელოვანი ფიგურა
გახდა. მიმაჩნია, რომ ხვიჩას, ბარკოლას და დემბელეს თავდასხმის სამეული ევროპაში ერთ-ერთი საუკეთესოა. თუ თავიდან იგრძნობოდა, რომ ხვიჩას არ მოსწონდა ცენტრალური თავდამსხმელის პოზიციაზე თამაში, ახლა სიამოვნებას იღებს. გუნდისთვის დიდი მოცულობის სამუშაოს ასრულებს. პსჟ-ის შემდეგ ეტაპზე გასვლა კანონზომიერია", - ციტირებს სიომინს Sports-ი.
"ის უნიკალურია და დემბელესა და ბარკოლასგან ამით განსხვავდება" - მაცარიმ ქართველზე ისაუბრა
![მორიგი დარტყმა "ლივერპულის" ფანებს პსჟ-სგან - რაზე ესაუბრნენ პარიზული კლუბის პრეზიდენტი და სპორტული დირექტორი ვირჯილ ვან დაიკს? [VIDEO]](/pictures/image7/76cca74a86747ff1be37f3883294b097.png "მორიგი დარტყმა \"ლივერპულის\" ფანებს პსჟ-სგან - რაზე ესაუბრნენ პარიზული კლუბის პრეზიდენტი და სპორტული დირექტორი ვირჯილ ვან დაიკს? [VIDEO]")
წარმატებები ჩვენო ძმაო!!!