რატომ დაჩქარდა ქოჩორაშვილის ტრანსფერი "სპორტინგში" და რის გამო აიწია მისმა ფასმა - ცნობილია, რომელ კლუბს მოუგეს ლისაბონელებმა ქართველისთვის ბრძოლა

AutoSharing Option
Super Deporte საქართველოს ნაკრების ნახევარმცველის გიორგი ქოჩორაშვილის "სპორტინგში" დაჩქარებულ ტრანსფერის მიზეზზე წერს. მოგეხსენებათ, ჩვენებური ლისაბონურ გუნდს ზაფხულში 7,5 მილიონი ევროს სანაცვლოდ შეუერთდება.

ირკვევა, რომ ლისაბონური გუნდი ამ თანხის გადახდას არ აპირებდა და შეთანხმება გაცილებით ნაკლებ ფულზე იყო მიღწეული, მაგრამ საქმეში მოულოდნელად გლაზგოს "სელტიკი" ჩაერთო, რომელმაც "ლევანტეს" ოფიციალური წინადადებით მიმართ.

შოტლანდიურ გრანდს ქართველის დამატება ძალიან უნდოდა, რის გამოც პორტუგალიელები უმალევე გააქტიურდნენ, სატრანსფერო ფასი გაზარდეს და გარიგებაც ახლავე დადეს. 

საინტერესოა, რომ ქოჩორაშვილის სატრანსფერო ფასზე "სპორტინგის" მწვრთნელმა რუი ბორჟესმაც ისაუბრა, რომელმაც შემდეგი განაცხადა:

"რაც შეეხება ახალწვეულებს, გვარს ვერ ვიტყვი, ვინაიდან რთულად გამოითქმის. ვნახე სოციალურ ქსელებში კითხულობდნენ გულშემატკივრები, როგორ შეიძლება მისი მოკლედ წარმოთქმა. მე ჯიო ავირჩიე. ქოჩორაშვილი ჩვენმა კლუბმა რამდენიმე ხნის წინ შეამჩნია, გარკვეული პერიოდი მის უნარებს ვაკვირდებოდით და დავადგინეთ, რომ კონკურენტუნარიანია, ტექნიკურია, მიზანდასახულია, გოლის გატანა შეუძლია და გუნდისთვის ძალიან სასარგებლო იქნება.

იანვარში ტრანსფერის განხორციელება რთულია, ფეხბურთელების ფასი უფრო მაღალია, განსაკუთრებით იმ კლუბებიდან, რომლებიც ზედა დივიზიონში გადასასვლელად იბრძვიან. მაშინ, ალბათ, მის სანაცვლოდ 15 მილიონს მოითხოვდნენ. ახლა დავიმატეთ და შენაძენით გახარებული ვართ", - თქვა ბორჟესმა.
მკითხველის კომენტარები / 4 /
წარმატებები ქოჩოს, მაგრამ არ უნდა წასულიყო, შეცდომა დაუსვა და იჩქარა. მისმა გუნდმაც და მაგანაც. პოტუგალიაში, სულ 4 გუნდია კონკურენტ უნარიანი და ლა ლიგაში ეგეთები ყოველი მეორე. სეზონის დასრულების შემდეგ, იგი უკვე, დიდი ალბათობით ლა ლიგის ფეხბურთელი იქნებოდა და მისი სატრანსფერო ფასი, მინიმუმ 20 ლიმონი გახდებოდა, თან ეგ გუნდის წამყვანი მოტამაშეა კარგი სტატისტიკით. ასევე, ყველანაირი შანსი ექნებოდა წასულიყო ტოპ 5 ლიგაში თან ტოპ გუნდში. იტალია, გერმანია, ინგლისი, საფრანგეთი. არავინ იტყოდა მასზე უარას. ასე რომ მგონი იჩქარეს, გუნდმაც და მაგანაც, აგენტმაც. ესე ვფიქრობ, თუმცა სპორტინგი ევროლიგებზე სტაბილურად ასპარეზობს და მასაც არაფერი დაეწუნება, ხოლო ლა ლიგა რომ სჯობს პორტუგალიას განვითარებისთვის, ამაზე ნუ ვიდავებთ. წარმატებები და მალე უკეთეს გუნდში მენახოს, კაი ბიჭია.
ლევან მაღლაკელიძე
07:21 06-04-2025
0
ჩვენი ქოჩორა ძლიერი პარტნიორების გვერდით კიდევ უკეთესი გახდება…..
კევინ კიგანი
09:43 05-04-2025
0
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

ასევე დაგაინტერესებთ
სიახლეები პოპულარული