ბაქოს "ინტერის" ყოფილმა ფეხბურთელმა, საქართველოს ნაკრების ყოფილი მწვრთნელის კახი ცხადაძის შვილმა, ბაჩანა ცხადაძემ azerifootball.com-ს მისცა ვრცელი ინტერვიუ, რომლის ამონარიდსაც გთავაზობთ:"ახალი სეზონისთვის "რუსთავის" შემადგენლობაში ვემზადები, სადაც ახალი გუნდი დაკომპლექტდა. ბევრი ცნობილი ფეხბურთელი მიიწვიეს: ნუკრი რევიშვილი, დავით კვირკველია, ოთარ მარცვალაძე. მგონია, კარგი გუნდი გამოვა. მთავარი მწვრთნელი ვლადიმირ გაზაევია. დიდი მიზნები დავისახეთ და ჩვენგან ჩემპიონობას ელიან. ეს ძნელი მისაღწევი იქნება. იმედია, ყველაფერი კარგად წარიმართება.
მივიღე თუ არა აზერბაიჯანიდან მოწვევა? ჯერ ეს მხოლოდ ლაპარაკის დონეზეა. არაფერი კონკრეტული. თუ კარგი წინადადებით მომმართავენ, სიამოვნებით დავბრუნები.
წავიკითხე, რომ მამას "გაბალას" მწვრთნელად ნიშნავენ (იცინის - რედ.). დიახ, ამაზე ვკითხე, თუმცა ჩვენ ის ვიცით, რაც ყველამ. ჯერ გუნდის მწვრთნელი რომან გრიგორჩუკია და ჩემის აზრით, არასწორია იმ გუნდზე საუბარი, რომელსაც მწვრთნელი ჰყავს".
რუსთავშიც სათადარიგოში იქნება, ან იქნებ ,,ბარსში" მიიწვიონ, ვაი მწვრთნელი და ვაი ფეხბურთელი.