ფოტო: omada.reporter.com.cy
კვიპროსული გამოცემა Omada Reporter-ი ფამაგუსტის "ანორთოსისში" თემურ ქეცბაიას შესაძლო დაბრუნებას ეხმაურება.
ონლაინგამოცემა პასუხობს ნიქოზიის "აპოელის" ვეტერან ფეხბურთელ ტაკის ანტონიუსს, რომელმაც განაცხადა, რომ ქეცბაია ძალიან კარგი მწვრთნელია, თუმცა ის მესია არ არის და მისი დაბრუნების შემთხვევაში სიტუაცია წამიერად ვერ შეიცვლება.
"დიახ, ქეცბაია მესია არ არის. გამარჯვების გზაზე გუნდის დასაბრუნებლად მას საკმაო დრო დასჭირდება. თუმცა თემურმა იცის ამის შესახებ და მან ეს ერთხელ უკვე გააკეთა - წლების წინ, როდესაც "ანორთოსისი" ასევე რთულ ფინანსურ მდგომარეობაში იმყოფებოდა.
თემურმა ყველაფერი გამოასწორა. ამას დრო
დასჭირდა, მაგრამ მან ეს გააკეთა - 2008 წელს "ანორთოსისი" ჩემპიონთა ლიგის ჯგუფურ ეტაპზე მოხვდა. თემურის "ანორთოსისმა" ისტორია დაწერა! ის გახდა პირველი კვიპროსული კლუბი, რომელმაც ევროთასების, მით უმეტეს, ჩემპიონთა ლიგის ჯგუფურ ეტაპზე ითამაშა.
მაშინ თემური "ანორთოსისისთვის" სწორედ მესია იყო. მას შემდეგ კი გუნდს მხოლოდ ცუდი დღეები უდგას. გულშემატკივრები მესიას ელოდებიან და ეს მესია შეიძლება მხოლოდ თემურ ქეცბაია იყოს.
თუ მან ეს მაშინ შეძლო, რატომ არ უნდა გაიმეოროს ახლაც?" - წერს კვიპროსული გამოცემა.
![alt](/pictures/image50/c19031c6e29bf6b5a86a24dd38d588ce.jpg "კვიპროსული მედია: "ანორთოსისის" ფანები მესიას ელოდებიან და ეს შეიძლება მხოლოდ თემურ ქეცბაია იყოს")
თემურ ქეცბაიას "ანორთოსისში" დაბრუნების ამბავი ცოლმა "გაავრცელა" [PHOTO]![alt](/pictures/image50/261e15ee2f8dd4b21fcc84af44cf91f7.jpg "კვიპროსული მედია: "ანორთოსისის" ფანები მესიას ელოდებიან და ეს შეიძლება მხოლოდ თემურ ქეცბაია იყოს")
გიორგი ქინქლაძე მანჩესტერში ბრუნდება - ვეტერანი ქართველი ღვინის ბარს ხსნის
