ფოტო და ვიდეო: facebook.com/pg/სკ-მეშახტე-ტყიბული-FC-Meshakhte-Tkibuli
ტყიბულის "მეშახტე" "ფეისბუქის" გვერდით იტყობინება, რომ ხობის "კოლხეთთან" მატჩისას მეტოქე გუნდის კაპიტანმა გიორგი გოგენიამ მათი გუნდის მცველი ზურა გელაშვილი სიკვდილს გადაარჩინა:
"გუშინ ტყიბულის სტადიონზე "მეშახატესა" და ხობის "კოლხეთს" შორის მატჩში საჰაერო ორთაბრძოლის დროს შეჯახების შედეგად ზურა გელაშვილმა და ირაკლი ჭანკვეტაძემ მძიმე ტრავმები მიიღეს.
გელაშვილმა შეჯახებისთანავე გონება დაკარგა, რასაც მოედანზე პანიკა მოჰყვა. სწორედ ამ დროს მეტოქე ფეხბურთელი გიორგი გოგენია ყველაზე სწრაფად გაერკვა ტრავმის სიმძიმეში და ზურას სიცოცხლე საკუთარი ხელებით გადაარჩინა, რის გამოც თავადაც მიიღო სხეულის დაზიანება. დახმარების აღმოჩენა რამდენიმე წამიც რომ დაგვიანებულიყო, შეიძლებოდა ყველაფერი ტრაგიკულად დასრულებულიყო.
ტყიბულის "მეშახტე", სრული შემადგენლობით და გუნდის გულშემატკივრები მადლობას ვუხდით ხობის "კოლხეთის" კაპიტანს.
ეს ის მომენტია, როცა სიტყვები ზედმეტია!
ფეხბურთი - ეს ურთიერთპატივისცემაა!"
![Sportall.Ge](/pictures/artimages/original/914779cc276764bab60999d75e2b18ef.jpg "ხობის "კოლხეთის" კაპიტანმა მოწინააღმდეგე გუნდის ფეხბურთელი სიკვდილს გადაარჩინა")
