საქართველოს ფუტსალის ნაკრებმა გერმანიას სძლია

AutoSharing Option
საქართველოს ფუტსალის ეროვნულმა ნაკრებმა ევრო 2022-ის საკვალიფიკაციო ეტაპი გამარჯვებით დაიწყო. ავთანდილ ასათიანის გუნდი ჯგუფის პირველ შეხვედრაში გერმანიას დაუპირისპირდა და მეტოქე ანგარიშით - 3:1 დაამარცხა. მაყურებელმა საინტერესო სანახაობა იხილა. საგოლე მომენტები ორივე კართან მრავლად შეიქმნა, მაგრამ საკუთარი შანსები უკეთ ქართველმა ფეხბურთელებმა გამოიყენეს და შეხვედრა სასურველი შედეგით დაასრულეს.

​ანგარიში მე-5 წუთზე გერმანელებმა გახსნეს, დამატებაზე ყველას ფიშერმა დაასწრო და ბურთი ცარიელ კარში გადაგზავნა. საქართველოს ნაკრებმა წონასწორობა მე-12 წუთზე აღადგინა, შორეული დარტყმით გოლი არჩილ სებისკვერაძემ გაიტანა. ავთანდილ ასათიანის გუნდმა გადამწყვეტი უპირატესობა მეორე ტაიმში მოიპოვა.
29-ე წუთზე, რონინიოს კუთხურის შედეგად, უძლიერესი დარტყმით თალეს ფეიტოსამ საქართველოს ნაკრები დააწინაურა. 31-ე წუთზე კი ვახტანგ ჯვარაშვილმა გაიტანა და საბოლოო ანგარიში დააფიქსირა.

​გერმანია 1:3 საქართველო
თბილისი, ოლიმპიური სასახლე

გერმანია: პლესი, ვიტინგი, ჰოფმანი, ფიშერი, სიპაჰი
​​სათადარიგო შემადგენლობა: ვიგელსი, შნიტზერლინგი, ფრანკე, კლაუსი, მეიერი, სოზერი, ვებერი, საგლამი, გიუნტერი
​მთავარი მწვრთნელი: მარსელ ლოოსველდი

​საქართველო: კუპატაძე, რონინიო, სიმი საიოტი, თალესი, სებისკვერაძე
​სათადარიგო შემადგენლობა: ჯამბურია, გიორგაია, თოფურია, ჯვარაშვილი, თოდუა, მაისაია, კურტანიძე, ღავთაძე, ჭუმბურიძე
​მთავარი მწვრთნელი: ავთანდილ ასათიანი

​მსაჯები: იოსიპ ბარტონი (ჩრდ. მაკედონია), ვიქტორ ბუგენკო (მოლდოვა), ვიტალი რაკუცკი (ბელარუსი)

გაფრთხილება: პლესი (10:44), სებისკვერაძე (16:16), კურტანიძე (26:55), სიპაჰი (27:30), ჯვარაშვილი (32:30)

​გოლები: 1:0 ფიშერი (04:55), 1:1 სებისკვერაძე (10:46), 1:2 თალესი (28:59), 1:3 ჯვარაშვილი (30:53)

დღესვე, საკვალიფიკაციო ეტაპის F ჯგუფში კიდევ ერთი შეხვედრა გაიმართა. თბილისის ოლიმპიურ სასახლეში კოსოვო ავსტრიას დაუპირისპირდა და ანგარიშით - 4:2 გაიმარჯვა.

​საქართველოს ფუტსალის ნაკრები ევრო 2022-ის საკვალიფიკაციო ეტაპის მომდევნო შეხვედრას 30 იანვარს კვლავ თბილისის ოლიმპიურ სასახლეში გამართავს. მატჩი 19:00 საათზე დაიწყება და მასზე დასწრება თავისუფალია. შეხვედრის პირდაპირ რეპორტაჟს "საზოგადოებრივი მაუწყებლის" პირველი არხი შემოგთავაზებთ.

მომზადებულია GFF.GE-ს მიხედვით

მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული