დღეს, 19 აგვისტოს, ჩემპიონთა ლიგის პირველ საკვალიფიკაციო ეტაპზე თბილისის "დინამო" ბორის პაიჭაძის ეროვნულ სტადიონზე ალბანეთის ჩემპიონ "ტირანას" მიიღებს. არენაზე, რომელმაც 2015 წლის სუპერთასის მატჩს უმასპინძლა, გულშემატკივრები არ იქნებიან და გუნდებს მხოლოდ კლუბების წარმომადგენლები და ჟურნალისტები თუ უქომაგებენ.
ალბანური სპორტული საიტი Supersport-ი თამაშის წინ სტატიას აქვეყნებს და ქართულ-ალბანურ მომავალ დაპირისპირებაზე წერს. ავტორი აღნიშნავს, რომ "ტირანას" მიზანი ჩემპიონთა ლიგის ჯგუფურ ეტაპზე მოხვედრაა.
როგორც ავტორი წერს, გუნდისთვის დიდი დანაკლისი იქნება ინგლისელ ფორვარდ მაიკლ ნგო'ს არყოფნა. გუნდს კიდევ ერთი მნიშვნელოვანი ფეხბურთელი არ ეყოლება -
მარჯვენა მცველი ალბი დოკა. ცენტრალურ თავდამსხმელს თინეიჯერი ერნესტ მუჩი შეცვლის, ხოლო მცველს - ჩრდილომაკედონიელი ახალწვეული ნაიდოვსკი.
ალბანელები იმაზეც წუწუნებენ, რომ ერთმატჩიანი დაპირისპირება იქნება და ძველი "ქამბექის" შანსი არ ექნებათ. ასევე, მრავალსაათიანი მგზავრობა, მოედანთან შეუჩვევლობა და საქართველოს მიმდინარე ჩემპიონატი დამატებით სირთულეებს ქმნის "ტირანასათვის".
გუნდის კაპიტანი გენტიან მუჩა კი უფრო ოპტიმისტურ განწობაზე იყო. განაცხადა, რომ მოგების შანსები აქვთ და უნდა გამოიყენონ. ასევე, "ტირანას" წინამძღოლი "დინამოს" საქმის გართულებას დაჰპირდა.
რეალურად კი, "ტირანას" მართლაც აქვს "დინამოს" დამარცხების შესაძლებლობა. რაც უნდა სამწუხარო იყოს, ჩვენი ჩემპიონი დაუმარცხებელი გუნდი ნამდვილად არ არის, მაგრამ ხშირად შანსები გამოუყენებელი რჩება. იმედია, "ტირანას" შემთხვევაშიც ასე მოხდება და კახა ჩხეტიანი "დინამო არენაზე" "ტირანაზე" გაცილებით ძლიერ "ცრვენა ზვეზდასთან" საომრად გაიყვანს გუნდს.
კახა ჩხეტიანი: მიზანი ჯგუფური ეტაპია - კლუბის პრეზიდენტი დიდ პრემიებს დაგვპირდა
"ტირანას" მწვრთნელი: "დინამოსთან" შანსები 50/50-ზეა - ჩვენი პრეზიდენტის ნათქვამი არასწორად გაიგეს
!["ვფიქრობ, ჩემზე არჩევანი ამიტომ გააკეთეს... ეს სტილი ამ გუნდს ძალიან მოუხდება" - "დინამოს" მწვრთნელის პირველი კომენტარი თბილისში ჩამოსვლის შემდეგ [VIDEO]](/pictures/image7/ef903668d8f8b3e762d3037ab20f6dcc.jpg "\"ვფიქრობ, ჩემზე არჩევანი ამიტომ გააკეთეს... ეს სტილი ამ გუნდს ძალიან მოუხდება\" - \"დინამოს\" მწვრთნელის პირველი კომენტარი თბილისში ჩამოსვლის შემდეგ [VIDEO]")
![ეროვნული ლიგა. XVIII ტური. "დინამო" (თბ) - "გაგრა" [LIVE]](/pictures/image7/6cf3fa7f322a696b7f8aad497a079cbc.jpg "ეროვნული ლიგა. XVIII ტური. \"დინამო\" (თბ) - \"გაგრა\" [LIVE]")
აქ ლინკზე მოძებნე.