ბათუმის სტადიონზე ხელოვნურ მზეს დაამონტაჟებენ. 20 000 მაყურებელზე გათვლილ საფეხბურთო სტადიონზე ბუნებრივი ბალახის ზრდისთვის ხელოვნური სანათების (ხელოვნური მზე) შესყიდვაზე აჭარის პროექტების მართვის კომპანიამ ტენდერი უკვე გამოაცხადა. შესყიდვის სავარაუდო ღირებულება 1 640 000 ლარია. ხელოვნური მზის შესაძენად საჭირო თანხა აჭარის ბიუჯეტიდან დაიხარჯება.ტენდერში წინადადებების მიღება 2021 წლის 3 თებერვალს დაიწყება და 8 თებერვალს დასრულდება.
ტენდერის პირობის მიხედვით, "საქონელი უნდა იყოს ახალი და ექსპლუატაციაში არმყოფი. მონტაჟი კი მოიცავს საჭირო ელექტროხარჯიდან გამომდინარე დაკაბელებას და საჭიროების შემთხვევაში ახალი ელექტროკარადების მოწყობას. ასევე, მონტაჟთან დაკავშირებულ ყველა
სატენდერო დოკუმენტაციის მიხედვით, გამარჯვებულმა კონსტრუქციების მიწოდება-მონტაჟი ხელშეკრულების გაფორმებიდან 70 დღეში უნდა უზრუნველყოს.
ცნობისათვის, 20 000 მაყურებელზე გათვლილი UEFA-ს IV კატეგორიის საფეხბურთო სტადიონს ბათუმში ორი წლის განმავლობაში აშენებდნენ, რაშიც 141 მილიონი ლარი დაიხარჯა.
წყარო: BPN
ჯერ ხომ სისტემა უნდა იყიდონ, მერე გაყვანილობა მოაწყონ, დენის ფული იხადონ და ჰაიდააა. ბიძია გახედეთ აჭარის მთებს - ხრიოკია? ხელოვნული მზე ჭირდება? ბალახის ელემენტარული მოვლა გეზარებათ თუ რა არის? ან ფული გაქვთ ბევრი? მაშინ გადახურვაზე იზრუნეთ. რაც ბუნებრივად იზრდება იმისთვის ხელოვნური მზე ვინ პრადვინუტმა მოიგონა?