კონფერენს ლიგის პირველი საკვალიფიკაციო ეტაპის განმეორებითი მატჩი "გაგრასა" და "სუტიესკას" შორის 1:1 დასრულდა, თუმცა ქართული გუნდი, სამწუხაროდ, ორი შეხვედრის ჯამში დამარცხდა და გათამაშებას გამოეთიშა.
მონტენეგროში 0:1 წაგების შემდეგ „გაგრას“ რევანშის აღებისა და შემდეგ ეტაპზე გასვლის შანსი ჰქონდა, თავდაუზოგავად იბრძოლა, მაგრამ მიზანს ვერ მიაღწია.
პირველ ტაიმში თანაბარი თამაში იყო, ნაკლებად სანახაობრივი, მომენტები არ იქმნებოდა და 0:0 დასრულდა. მეორე ტაიმი სტუმრებმა აქტიურად დაიწყეს. ნიკაჩის თავური მეკარე კერესელიძემ მოიგერია, შემდეგ კი იანჯიჩმა ანგარიში გახსნა. მასპინძლებს საპასუხო გოლის გატანა 64-ე წუთზე შეეძლოთ - მაქაცარიას პასის შემდეგ სამუშია მეკარეს გასცდა, მახვილი კუთხიდან დაარტყა, მაგრამ ბურთი ცარიელი კარიდან მცველმა გამოიტანა. მერე ჩერნოგორიელთა შეცვლაზე შესულმა ნახევარმცველმა მარუშიჩმა ბურთი ძელს გაარტყა.
86-ე წუთზე მაქაცარიამ შორიდან ულამაზესი გოლი გაიტანა. ბოლოს „გაგრა“ შტურმზე გადავიდა, მაგრამ მეტი გოლის გატანა ვერ შეძლო.
გაგრა - სუტიესკა 1:1
გოლები: 0:1 იანჯიჩი (51), 1:1 მაქაცარია (86)
გაგრა: კერესელიძე, ხოსიტაშვილი, ნოზაძე, ჩადუნელი, ქობულაძე (გაზდელიანი 71), კაკიაშვილი (ვეკუა 59), სულთანიშვილი, სამუშია (მარკოზაშვილი 79), ხაბელაშვილი, გვიშიანი (კიკაბიძე 71), მაქაცარია
სუტიესკა: გილიენი, გრივიჩი, დრინჩიჩი, ბუბანია, სტიეპოვიჩი, კორეა, მატანოვიჩი, ვუკოვიჩი (მიტროვიჩი 87), ერაკოვიჩი, იანჯიჩი (ვუკიჩი 60), ნიკაჩი (მარუშიჩი 66)
![alt](/pictures/image50/6b1b16daa717fe9e7be098b1f9a6e223.jpg "მაქაცარიას სუპერგოლი, ფრე და "გაგრა" კონფერენს ლიგის გათამაშებას გამოეთიშა")
"გაგრა" მონტენეგროში მინიმალურად დამარცხდა და შემდეგ ეტაპზე გასვლის შანსი აქვს [VIDEO]
![ეროვნული ლიგა. XXXIII ტური. "გაგრა" - "თელავი" [LIVE]](/pictures/image7/129f1a0f7806663dca144a5c8163c03b.jpg "ეროვნული ლიგა. XXXIII ტური. \"გაგრა\" - \"თელავი\" [LIVE]")
![ეროვნული ლიგა. XXXI ტური. "გაგრა" - "სამტრედია" [LIVE]](/pictures/image7/4b0083628fe670ca04775c10fe11f679.jpg "ეროვნული ლიგა. XXXI ტური. \"გაგრა\" - \"სამტრედია\" [LIVE]")
![ეროვნული ლიგა. XXIX ტური. "დინამო" (ბთ) - "გაგრა" [LIVE]](/pictures/image7/aabaf85099ba61777969b1e7b4aac87d.png "ეროვნული ლიგა. XXIX ტური. \"დინამო\" (ბთ) - \"გაგრა\" [LIVE]")
ეს გუნდი უნდა ამოვიდეს უმაღლეს ლიგაში?აქედან მიჰყავთ მარკოზაშვილი სამტრედიაში? მარკოზა რომელიც ბოლო 15 წუთი ათამაშეს და მთელ ამ დროს იმას არკვევდა რა ეკეთებინა და სად იყო მისი პოზიცია?