დღეს, 12 ივლისს, ჩვენი დროით 18:00 საათზე, თბილისის "დინამო" ჩემპიონთა ლიგის საკვალიფიკაციო ეტაპზე ჩაერთვება და ყაზახურ "ასტანას" ესტუმრება. მიუხედავად ბევრი იმედგაცრუებისა, ევროტურნირების წინ ქართველი გულშემატკივარი მუდამ იმედიანადაა. ზოგჯერ რეალობას თვალი უნდა გავუსწოროთ, თუმცა ამბიციის გარეშე ყოფნაც არ შეიძლება. ამ ეტაპზე კი მთავარი ისაა, თბილისურმა კლუბმა პირველი ეტაპის ბარიერი გადალახოს, რაც კონფერენს ლიგის ჯგუფური ეტაპისკენ გზას უფრო იოლად ხსნის. თავი არ მოვიტყუოთ, ყაზახური "ასტანა" იოლი მეტოქე არ იქნება!..სამწუხაროდ, ყაზახური კლუბებისგან მწარე გაკვეთილები გვახსოვს და ეს როგორც თბილისის "დინამოს", ისე სხვა
![Sportall.Ge](/pictures/artimages/original/c64dce1d1da9064117fe5ad936651403.jpg "დროა, თბილისის "დინამომ" შეძლოს - პირველი ეტაპისა და ყაზახური ბარიერის დაძლევა ძალიან გვჭირდება!..")
რაც შეეხება "ასტანას", ამ გუნდმა მოკლე ისტორიის განმავლობაში საკუთარი ქვეყნის შვიდგზის ჩემპიონობაც მოახერხა, ჩემპიონთა ლიგის ჯგუფურ ეტაპზეც იასპარეზა და ევროპა ლიგისაც. ფაქტია, ბოლო წლებში მათ ამ მასშტაბის წარმატება არ აქვთ, რაც იმაზე მიანიშნებს, რომ ისეთივე ძლიერები აღარ არიან. მიმდინარე ჩემპიონატში ჩვენმა მომავალმა მეტოქემ პირველობა "ორდაბასს" დაუთმო. ამ გუნდთან ახლახან თასზე 120-წუთიანი დრამა ჰქონდათ და ფინალის საგზურიც გადააბარეს. ისე ჩანდა, თბილისელებთან მატჩზე უფრო გადმოერთნენ.
ასტანურმა კლუბმა იცის, რომ პირველ მატჩში მაქსიმალურად ბევრი უნდა გაიღონ, რადგან მათი ჰავა თუ ხელოვნური საფარი ის უპირატესობაა, რის გამოყენებასაც ეცდებიან. მთავარი მწვრთნელი ბაბაიანი დაბალანსებულ სპეციალისტად მიიჩნევა. "დინამოს" მოწინააღმდეგე ყველა რგოლში კარგი ფეხბურთელებითაა დაკომპლექტებული. აქაა მცველი ბაისბეკოვი, რომელიც ხსენებულ სათასო მატჩში გააძევეს. გუნდისთვის კიდევ ერთი მნიშვნელოვანი უკანახაზელია ჩრდილომაკედონიელი ამანოვიჩი. გუნდშია სერბი ნახევარმცველი იოვანოვიჩიც. ყაზახებს ორი შედეგიანი ფორვარდი ჰყავთ, აიმბეტოვი და უკვე 35 წლის ხორვატი, კაპიტანი მარინ ტომასოვი, რომელიც წლებია, მთავარი "გამტანია".
გიორგი ჭიაბრიაშვილის გუნდი აფრიკელი ლეგიონერებით გაძლიერდა. მთავარი მწვრთნელი მიიჩნევს, რომ პრობლემური პოზიციები გააძლიერა. თბილისელები ქვეყნის სუპერთასს დაეუფლნენ და კარგ ხასიათზე არიან. ახლა ორი ფაქტორია მნიშვნელოვანი - როგორ ფორმაში არიან ისინი, რომლებმაც 21-წლამდელთა ევროპირველობაზე ითამაშეს და ასევე, მათი სატრანსფერო საკითხი რამდენად აქტუალურია. სამწუხაროდ, ანზორ მექვაბიშვილი ტრავმირებულია. დანარჩენს შეხვედრა გამოაჩენს. ის ვიცით, რომ სრული კონცენტრაცია, ფიზიკურად კარგად მომზადება, ორთაბრძოლებში შესვლა და საკუთარი საგოლე შანსების კარგად გამოყენება გვმართებს. მწვრთნელების დუელი საინტერესო და ბევრის განმსაზღვრელი იქნება.
![Sportall.Ge](/pictures/artimages/original/0a078aad6002e26751655143773a9f14.jpg "დროა, თბილისის "დინამომ" შეძლოს - პირველი ეტაპისა და ყაზახური ბარიერის დაძლევა ძალიან გვჭირდება!..")
შეხვედრას რუმინული წარმოშობის ავსტრიელი არბიტრი კრისტიან-პეტრუ ციოჩირცა განსჯის, რომელიც ცოტა ხნის წინ ავსტრიის ბუნდესლიგაში შესაძლო თამაშგარე მდგომარეობიდან გოლის ჩათვლის გამო სკანდალში გაეხვია, თუმცა აღსანიშნავია, რომ მისი გადაწყვეტილება VAR-მა დაადასტურა.
ამ ეტაპზე მაინც, არ გვსურს იმაზე საუბარი, მარცხის შემთხვევაში "დინამო" ვის შეიძლება დაუპირისპირდეს, გამარჯვებულს კი ზაგრების "დინამო" ელის.
სავარაუდო შემადგენლობა: ლორია - მალი, მარგველაშვილი, ტაბიძე, კობოური - ოსიყმაშვილი, ხარაიშვილი, ომარი - ოსეი (ან მოისწრაფიშვილი), სხირტლაძე (C), კამარა.
![alt](/pictures/image50/7ca697f70be0363526274e7f1a1c383d.jpg "დროა, თბილისის "დინამომ" შეძლოს - პირველი ეტაპისა და ყაზახური ბარიერის დაძლევა ძალიან გვჭირდება!..")
ქართული ფეხბურთი უკეთესია თუ ალბანური? - საუკეთესო ფლამარიონი და წიტაიშვილით გაძლიერებული ბათუმელები...![alt](/pictures/image50/f1ff05479255d81095cf7b9b4cabd5af.png "დროა, თბილისის "დინამომ" შეძლოს - პირველი ეტაპისა და ყაზახური ბარიერის დაძლევა ძალიან გვჭირდება!..")
თბილისის "დინამომ" ორი აფრიკელი ფეხბურთელი დაიმატა![alt](/pictures/image50/537b4ababbedbf8b70339a2f4b8a42d9.jpg "დროა, თბილისის "დინამომ" შეძლოს - პირველი ეტაპისა და ყაზახური ბარიერის დაძლევა ძალიან გვჭირდება!..")
რას გვიმზადებენ ქართული კლუბები ევროტურნირებზე? - პოზიტიური დინამიკის გაგრძელება თუ მორიგი წარუმატებლობა?!
![ეროვნული ლიგა. XVIII ტური. "დინამო" (თბ) - "გაგრა" [LIVE]](/pictures/image7/6cf3fa7f322a696b7f8aad497a079cbc.jpg "ეროვნული ლიგა. XVIII ტური. \"დინამო\" (თბ) - \"გაგრა\" [LIVE]")
!["დილამ" ბათუმში მოიგო, თბილისის "დინამო" "კოლხეთთან" წაგებას გადაურჩა [VIDEO]](/pictures/image7/60cce91a5198a879bf65840c0de5b1f4.jpg "\"დილამ\" ბათუმში მოიგო, თბილისის \"დინამო\" \"კოლხეთთან\" წაგებას გადაურჩა [VIDEO]")
![ეროვნული ლიგა. XVII ტური. "კოლხეთი" - "დინამო" (თბ) [LIVE]](/pictures/image7/69aa984b7bf217c3f735e86b7abad6e7.jpg "ეროვნული ლიგა. XVII ტური. \"კოლხეთი\" - \"დინამო\" (თბ) [LIVE]")
![ბათუმის "დინამომ" და "კოლხეთმა" გაიმარჯვეს - "დილამ" "სამტრედიას" ვერ მოუგო [VIDEO]](/pictures/image7/bbc72ebc2b5f7dd7450c3f31427f13da.jpg "ბათუმის \"დინამომ\" და \"კოლხეთმა\" გაიმარჯვეს - \"დილამ\" \"სამტრედიას\" ვერ მოუგო [VIDEO]")
ეხლა თქვენ ჩამოთვალეთ, დინამოს რაში აქვს უპირატესობა.
წერთ კრიტიკულ სტატიებს ფიფიაზე და ბერიძეზე??? რისი იმედი
გაქვთ?
უცნაურია, მაგრამ ის გუნდი საინტერესო და ბევრად შედეგიან ფეხბურთს თამაშობდა.
ამ დინამოში ახალგაზრდულის ბიჭების მჯერა, დანარჩენი ბალასტია.
1. როდესაც კაზინოს სახელობის გაქვს ეროვნული ლიგა
2. როდესაც ქართული კაზინო გაფინანსებს(რომელ პატიოსან თამაშზე არის საუბარი)
3. როდესაც არანაირი დისციპლინა არ გააჩნია ფეხბურთელს(შინაგანი საფეხბურთო კულტურა).
4. ის ფეხბურთელი რა ვთქვი და იმის ტვინში ჩამახედა, რომელიც საქართველოში ჩამოდის სათამაშოდ.( ხომ წარმოგიდგენიათ ის რა დონის ფეხბურთელია, რომ აქ ჩამოდის ? :D:D:D:D:D)
ბოლო-ბოლო სირცხვილია, როდესაც აცხადებ რომ მოუგებ კლუბს, რომელიც ამხანაგურ მატჩებში კლუბებს შორის გამოდის და თამაშობს რეგულარულად(ევროპისლიგას რომ თავი დავანებოთ).
მწვრთნელის ამბავიც იგივეა, საქართველოს ნაკრებს და ასევე ქართულ კლუბს, მხოლოდ არშემდგარი მწვრთნელი თუ დათანხმდება მათ გაწვრთნას.
ასე რომ იოცნებეთ , მეტი არაფერი შეგვიძ₾ია.
Მე კი არა გუცაევმა თქვა ტელევიზიით სიმართლე ოღონდ ცოტა რბილად.გუცაევი კი არა მე ვიცი ყოფილი და ამჟამინდელი ფეხბურთელებიც ზუსტად ისე ფიქრობენ როგორც გუცაევი.
Ამასწინ წიტაიშვილის ბათუმში ტრანსფერზე დავწერე მაფიოზური სქემა ამუშავდა მეთქი.იგივე მოხდა კვერნაძის ტრანსფერზე. Და ვიღაცეებმა დამიწერეს შენ რა საგადასახადოდან ხარ შენთვის რა მნიშვნელობა აქ ვის ჯიბეში წავა ფული ბიჭი ხო თამაშებს ნაპოლშიო.
Მნიშვნელობა ის აქ რო ტრანსფერიდან წამოსული ფული უნდა მოხმარდეს გუნდს რომელმაც გაზარდა ესა თუ ის ფეხბურთელი რო მეტი სტიმული ჰქონდეს გუნდს რო კიდევ ვინმე გაზარდოს ან ვინმე ლეგიონერი მოიყვანოს და არა ჯუღელის,ბერიძის და უსმანოვის ჯიბე გასქელდეს.
Ნახეთ როგორ გადაერთო ბერიძე ფულის შოვნაზე და დინამო ბათუმი დააპაუზა.ურჩევია ჰყავდეს რაღაც დონეზე მიმზიდველი გუნდი,გაუამხანაგდეს ვიღაც მაფიოზ აგენტს და რაღაც ხრიკებით აწაპნოს გუნდებს ფეხბურთელში გადახდილი ფული.
Არ გამკვირდება კი არა ველოდები კიდევ სხვა ფეხბურთელების ტრანზიტით ბათუმის დინამოში,გაყიდვას საზვარგარეთის გუნდებში.