ფიროსმანი "ტორპედოს" მაისურზე, აზრთა სხვადასხვაობა, ახალწვეულები და მეორე ავღანელი...

ქუთაისის "ტორპედო" კონფერენს ლიგის პირველი საკვალიფიკაციო ეტაპისთვის ემზადება. ქუთაისურმა კლუბმა ახალი ფეხბურთელები და სათამაშო ფორმა წარადგინა. სოციალურ ქსელებში გუნდის მაისურებს საკმაოდ დიდი გამოხმაურება მოჰყვა.



უმრავლესობა თანხმდება, რომ ქუთაისელებს ძალიან ლამაზი სათამაშო ფორმები აქვთ, რომლებზედაც ნიკო ფიროსმანის ნახატებია გამოსახული. ამავდროულად, ბევრისთვის გაუგებარია, გენიალურ ქართველ მხატვარს კონკრეტულად ამ ქალაქთან რა აკავშირებდა, რის გამოც მისი ნამუშევრები მაისურებზე გამოსახეს. მაინც შეგახსენებთ, რომ ნიკალა წარმოშობით დედოფლისწყაროდან, სოფელ მირზაანიდან იყო, მისი შემოქმედებითი საქმიანობა კი თბილისში მიმდინარეობდა.



"ტორპედომ" 7 ახალი ფეხბურთელი წარადგინა. ორი გუნდის ყოფილი წევრია - ანრი ჭიჭინაძე და გიორგი ფანცულაია, ერთი - სერია "ა"-ში საკმაოდ დიდი გამოცდილების მქონე, სერბი ნიკოლა ნინკოვიჩი, ხოლო გუნდში ცოტა ხნის წინ ჩარიცხულ ავღანელს, რაჰმან აკბარს, კიდევ ერთი თანამემულე, 25 წლის ომრან ჰაიდარი შეემატა.

"ტორპედო" ერთადერთი ქართული კლუბია, რომელიც პირველ მატჩს საკუთარ მოედანზე ჩაატარებს. სტივ კინის გუნდი ბოსნიურ "სარაევოს" 13 ივლისს, 21:00 საათზე დაუხვდება. შეხვედრის მთავარი მსაჯი ისრაელის წარმომადგენელი ლევი იქნება.

მატჩის დღე! დროა, თბილისის "დინამომ" შეძლოს - პირველი ეტაპისა და ყაზახური ბარიერის დაძლევა ძალიან გვჭირდება!..

სომხური დრამა ჩემპიონთა ლიგაზე, ქალი პრეზიდენტი და ანანიძის ექსმწვრთნელი...