ქალთა ევროპის ჩემპიონატის საკვალიფიკაციო ეტაპის პლეი-ოფის საპასუხო მატჩში საქართველოს ნაკრები გასვლაზე ირლანდიასთან 0:3 დამარცხდა. შეხვედრის დასრულების შემდეგ კომენტარი ჩვენი გუნდის მწვრთნელმა ირის ანტმანმა გააკეთა:
"პლეი-ოფში თამაშის უფლების მოპოვებით ისტორიულ შედეგს მივაღწიეთ. ვიცოდით, რომ ირლანდიასთან დაპირისპირება ადვილი არ იქნებოდა. თუმცა, უნდა გავითვალისწინოთ, რომ განვითარების ეტაპზე ვართ.
საშინაო შეხვედრაში 0:6 ძალიან მტკივნეული იყო. განსაკუთრებით, საკუთარ მოედანზე, საკუთარი გულშემატკივრის წინაშე. ვფიქრობ, რომ ფეხბურთელებმა მეორე მატჩში თამაშის ხარისხის გაუმჯობესება შეძლეს. სწორედ ეს იყო ჩემი მთავარი მოთხოვნა, საკუთარი თავისგან უფრო მეტი მოეთხოვათ და მეტისთვის მიეღწიათ.
ვამაყობ ჩემი ფეხბურთელებით, რადგან მათ მოედანზე იბრძოლეს და საკუთარი შესაძლებლობები მაქსიმალურად გამოიყენეს. სამწუხაროდ, არ გაგვიმართლა და გოლის გატანა ვერ შევძელით. ეს ეტაპი დასრულდა, თუმცა ეს დასაწყისია. ძალიან სასიხარულო იყო დღეს ქართველი გულშემატკივრის ნახვა. მათ მხარდაჭერას ყველგან ვგრძნობთ. ეს ძალიან საამაყოა. ახლა შემდეგი ეტაპისთვის მზადებაზე უნდა გადავერთოთ".
საშინაო შეხვედრაში 0:6 ძალიან მტკივნეული იყო. განსაკუთრებით, საკუთარ მოედანზე, საკუთარი გულშემატკივრის წინაშე. ვფიქრობ, რომ ფეხბურთელებმა მეორე მატჩში თამაშის ხარისხის გაუმჯობესება შეძლეს. სწორედ ეს იყო ჩემი მთავარი მოთხოვნა, საკუთარი თავისგან უფრო მეტი მოეთხოვათ და მეტისთვის მიეღწიათ.
nakrebi.ge
საქართველოს ნაკრები ირლანდიასთან 0:3 დამარცხდა
![0:6. საქართველოს ნაკრები ირლანდიასთან დამარცხდა [VIDEO]](/pictures/image7/b60c8f2507a1153b8d4b6f4da5dfde16.jpg "0:6. საქართველოს ნაკრები ირლანდიასთან დამარცხდა [VIDEO]")
