"ჩემმა 80 წლის დედამაც იცის, რომ ცენტრალური მცველი გვჭირდება", - ამბობდა მილანის "ინტერის" მთავარი მწვრთნელი ლუჩიანო სპალეტი და კლუბის ხელმძღვანელობამაც ეს სურვილი აუსრულა. იტალიურ პრესას თუ დავუჯერებთ, "ნერაძურიმ" ლისაბონის "ბენფიკას" მცველი ლისანდრო ლოპესი ინათხოვრა.
ფეხბურთელის იჯარით აყვანის სანაცვლოდ, "სან-სიროს" ბინადრები 0,5 მილიონ ევროს გადაიხდიან, სეზონის ბოლოს ფეხბურთელის გამოსყიდვა კი 9 მილიონ ევროდ შეეძლებათ.
ლისანდრო ლოპესი 28 წლისაა და ეროვნებით არგენტინელია.
აღსანიშნავია, რომ ლოპესი "ბენფიკას" ძირითადი შემადგენლობის ფეხბურთელად არ ითვლებოდა.
