La Gazetta dello Sport-ის ცნობით, პაულო დიბალა "იუვენტუსს" სეზონის ბოლოს უფასოდ დატოვებს. "ბიანკონერის" ხელმძღვანელობამ სავარაუდო შემცვლელად ანხელ დი მარია დაასახელა.
შეგახსენებთ, 34 წლის არგენტინელი ნახევარმცველი "პარი სენ ჟერმენში" 2015 წლიდან გამოდის, კონტრაქტი კი სეზონის ბოლოს უმთავრდება. რაც შეეხება სამხრეთამერიკელის სტატისტიკურ მონაგარს, საფრანგეთის ჩემპიონატში გამართულ 20 შეხვედრაში ანხელმა თავი 3 გოლითა და 4 საგოლე გადაცემით გამოიჩინა.
თავის მხრივ, დიბალა "ბებერი ქალბატონის" ღირსებას 2015 წლიდან იცავს. წელს სპორტსმენმა სერია A-ში 22 თამაში ჩაატარა და 8 გოლი გაიტანა (+5 ასისტი).
მომზადებულია Championat-ის მიხედვით
![alt](/pictures/image50/5fda067db2ee30fee4b04a36e4b37925.jpg ""იუვემ" დიბალას შემცვლელის ძიება დაიწყო - პრიორიტეტი თანამემამულე არგენტინელია")
