ლიგა 1-ის მოქმედი ჩემპიონი "პარი სენ ჟერმენი" შემადგენლობაში ძირეული ცვლილებების გატარებას გეგმავს.
The Athletic-ის ინფორმაციით, გუნდი აქტიურად განიხილავს ბრაზილიელი ვარსკვლავის, ნეიმარის გაყიდვას. ხელმძღვანელობას ესმის, რომ ტრანსფერი მარტივი არ იქნება, რადგან "ბლაუგრანას" ყოფილ ფეხბურთელს საკმაოდ დიდი ანაზღაურება აქვს.
30 წლის ფეხბურთელი ფრანგულ გუნდს 2017 წელს, სარეკორდო, 222 მილიონი ევროს სანაცვლოდ შეუერთდა. ნეიმარის კონტრაქტი პარიზელებთან 2025 წლამდეა გათვლილი.
შემტევმა გასულ სეზონში ლიგა 1-ში 22 მატჩი ჩაატარა, სადაც თავი 13 გატანილი გოლითა და 6 შედეგიანი გადაცემით გამოიჩინა.
