"ლივერპულის" მთავარმა მწვრთნელმა იურგენ კლოპმა გუნდის მეკარის, ლორის კარიუსის მიერ ჩემპიონთა ლიგის ფინალში დაშვებულ შეცდომებზე ისაუბრა.
შეგახსენებთ, რომ მადრიდის "რეალმა" ჩემპიონთა ლიგის ფინალში "ლივერპული" ანგარიშით 3:1 დაამარცხა.
51 წლის სპეციალისტის აზრით, მეკარეზე თავში დარტყმამ იმოქმედა, რომელიც "სამეფო კლუბის" მცველმა სერხიო რამოსმა მიაყენა.
"ამას თავის გასამართლებლად არ ვამბობთ, არამედ გვინდა, ავხსნათ. ჩემი აზრით, ეს 100-პროცენტიანი ახსნაა. კარიუსზე იმ დარტყმამ იმოქმედა - 100 პროცენტით.
ლორისს რომ ჰკითხოთ, ის გეტყვით, რომ ამაზე არ უფიქრია და ერთი წამითაც არ უფიქრია, როგორც თავის მართლებაზე. ამიტომ,
ვფიქრობ, ყველაფერი რიგზეა. ამაზე მეტს არ ვფიქრობთ და ყველაფერს თავიდან ვიწყებთ.
ყველა სურათი ვნახე, სხვადასხვა რაკურსით. ვნახე და გავიფიქრე: ბიჭს ცუდი არაფერი გაუკეთებია ამ დიდ შეცდომებამდე. რატომ არავინ ფიქრობს, რომ ეს თავში დარტყმის გამო მოხდა? ამიტომ გადავწყვიტე, შემემოწმებინა.
ვფიქრობდი, რომ უკვე გვიანი იქნებოდა შემოწმება, მაგრამ ახლა ვიცი, რომ ტვინის შერყევის სიმპტომები ერთ დღეში არ გადის. თუ ადამიანს ტვინის შერყევა აქვს, ეს რამდენიმე დღის შემდეგაც ჩანს. ფინალიდან 5 დღეში ლორის ჯერ კიდევ ტვინის შერყევა ჰქონდა. სიტუაცია ნათელია", - თქვა კლოპმა.
დამტკიცდა - სერხიო რამოსმა კარიუსს ტვინის შერყევა მიაღებინა და სავარაუდოდ ამან გამოიწვია მეკარის შეცდომები
უეფა სერხიო რამოსს ლორის კარიუსისთვის იდაყვის თავში ჩარტყმისთვის არ დასჯის [VIDEO]
ლორის კარიუსი: მეკარის ცხოვრება ასეთია და ყველას პატიებას გთხოვთ
მომზადებულია BBC Sport-ის მიხედვით
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
