არის! ქუთაისის "ტორპედომ" ტირასპოლის "შერიფი" დაამარცხა [VIDEO]

AutoSharing Option
AUTO PLAY
ქუთაისში რამაზ შენგელიას სახელობის სტადიონზე ჩემპიონთა ლიგის პირველი საკვალიფიკაციო ეტაპის მატჩში "ტორპედომ" "შერიფი" 2:1 დაამარცხა.

შეხვედრა ქუთაისელთა აქტიურობით დაიწყო, რამაც მალე შედეგი გამოიღო. შეხვედრის მეათე წუთზე მათე ცინცაძემ ლევან კუტალია მეკარესთან ერთი-ერთზე გადაიყვანა, მაგრამ კუტალიამ კარში დარტყმას გიორგი კუხიანიძისთვის პასის მიცემა არჩია, თუმცა კუხიანიძემ კარებში დარტყმა ვერ შეძლო.

მალევე როინ კვასხვაძემ კარებიდან ბურთი ცუდად გამოიტანა, რითიც მოლდოველებმა კარგი შეტევის წამოწყება შეძლეს, რაც საბოლოოდ ზიგუი ბადიბანგამ მეთოთხმეტე წუთზე გოლად აქცია.

თუმცა ქუთაისელებმა წონასწორობის აღდგენა 10 წუთში მოახერხეს, გრიგოლ დოლიძემ მეტოქის საჯარიმოში კარგი
პასი გააკეთა, გიორგი ქიმაძემ კი მოლდაველთა მცველების შეცდომით ისარგებლა და 1:1!

პირველი ნახევრის დამთავრებამდე ქუთაისელებმა რამდენიმე სახიფათო მომენტი სტანდარტული მდგომარეობებიდან შექმნეს, თუმცა ანგარიში არ შეცვლილა.

მეორე ტაიმი ნელ ტემპში განახლდა, პირველი რეალური მომენტი 63-ე წუთზე შეიქმნა, როცა ვლადიმირ კოვაჩევიჩმა მეკარეს ცუდი პასი გაუკეთა, გიორგი ქიმაძემ კი მათი შეცდომით ისარგებლა, ბურთი ჩაჭრა, "შერიფის" მეკარემ კი მის წინააღმდეგ იუხეშა და პენალტი აიკიდა. თერთმეტმეტრიანი კი გიორგი კუხიანიძემ ზუსტად შეასრულა და "ტორპედო" 2:1 დააწინაურა.

"ტორპედომ" გოლის შემდეგ შეძლო ბურთის დაჭერა და მეტოქეს შეტევის შექმნის საშუალებას არ აძლევდა, მატჩის მიწურულს კი კუხიანიძეს მიეცა გოლის გატანის შანსი, რომელმაც ძლიერი დარტყმით სცადა მეტოქის კარის აღება, თუმცა მიკულიჩმა შესანიშნავი სეივი შემოგვთავაზა.

საბოლოოდ შეხვედრა ქუთაისელთა გამარჯვებით 2:1 დასრულდა. განმეორებითი შეხვედრა ერთ კვირაში ტირასპოლში გაიმართება.

"ტორპედო" (4-3-3): კვასხვაძე; გეგეჭკორი, კობახიძე (ხურცილავა 82'), აზაცკი, მარინი; გლინკა, კუჭუხიძე, ცინცაძე; დოლიძე (დაფე 61'), კუტალია, ქიმაძე (ტუღუში 77')

მწვრთნელი: კახა ჩხეტიანი

"შერიფი" (4-2-3-1): მიკულიჩი; შუშიჩი, კოვაჩევიჩი, კულუშიჩი, კრისტიანო; პალიჩი, კენდიში; როდრიგესი (ბოიჩუკი 79'), კაპიჩი (ჯო სანტოსი 67'), ბადიბანგა; კამარა

მწვრთნელი: გორან საბლიჩი

მსაჯი: ალექსანდარს გოლუბევსი (ლიეტუვა)

altკახა ჩხეტიანი: შეიძლება შემდეგი შეხვედრისთვის თავდამსხმელის დამატებაც მოესწროს

alt"შერიფის" მწვრთნელი: ჩვენ შეგვიძლია უკეთესი შედეგის დადება და ამას გავაკეთებთ!

altგიორგი ქიმაძე: ჯერ არაფერი გადაწყვეტილა

altმათე ცინცაძე: გასვლაზეც ისე უნდა ვითამაშოთ, როგორც დღეს

მკითხველის კომენტარები / 23 /
მიუხედავად იმისა,რომ დინამოს ფანი ვარ,მაინც ვულოცავ ქუთათურებს. წარმატებები ძმებო გამნეორებით თამაშში!
სხვათა თუთაშხია
08:04 13-07-2018
0
ცოტათი ძალიან სირცხვილია მე მგონი ის, რომ ტორპედოს ფერხბურთელებს, საერთაშორისო რანგის (მით უმეტეს ჩემპიონთა ლიგის) ტურნირზე ეცვათ ისეთი მაისურები, რომლებზეც ფერხბურთელების გვარები ქართულად (!!!) ეწერა??? ეს ვითომ პატრიოტიზმი კი არა - დაუფიქრებლობა, სიზარმაცე, უგუნურობა და სხვა ერების შეურაწყოფაა და მეტი არაფერი, თან იმის ფონზე ხდება ეს, როცა გუნდი, მე როგორც ვიცი "ვისოლ გრუპ"-ის საკუთრებაა (შეიძლება ვცდები) და სპონსორი კი "კრისტალბეთი"-ა - ვაი სირცხვილო...
BELGIUM CHAMPION
17:23 11-07-2018
7

ასევე დაგაინტერესებთ
სიახლეები პოპულარული