13 მარტს, ჩემპიონთა ლიგის განმეორებით 1/8-ფინალურ მატჩში "იუვენტუსმა" 3:0 დაამარცხა "ატლეტიკო" და მეოთხედფინალში გავიდა.
მადრიდში 0:2 დამარცხების შემდეგ "იუვე" ლამის გამოუვალ სიტუაციაში იმყოფებოდა, რადგან როხიბლანკო ასეთ უპირატესობას იშვიათად ანიავებს და მაინც ოპტიმისტურ განცხადებებს აკეთებდნენ ტურინული გუნდის ფეხბურთელები.
ბიანკონერის მწვრთნელმა ალეგრიმ დისკვალიფიცირებული ალეკს სანდროს ნაცვლად ძირითად შემადგენლობაში სპინაცოლა დააყენა, რომელსაც ამ ტურნირზე აქამდე არ უთამაშია.
მასპინძლები პირველ ტაიმში ბევრს უტევდნენ, სტუმრები თავს ჩვეულად, უნარიანად იცავდნენ, მომენტები ბევრი არ იქმნებოდა და მაინც გახსნა რონალდომ ანგარიში. მან ბერნარდესკის აწეულ ბურთზე ხუანფრანი დაჯაბნა და ობლაკის კარის ბადეში მიუჩინა ადგილი.
შესვენების შემდეგ რონალდომ ისე გაიტანა გოლი, ისევ თავურით და ორი მატჩის ჯამში ანგარიში გათანაბრდა. 86-ე წუთზე კი მან ბერნარდესკის მონადირებული თერთმეტმეტრიანი გამოიყენა და თავისი გუნდი მეოთხედფინალში გაიყვანა.
პირველი შეხვედრის ორბურთიანი სხვაობით წაგების შემდეგ "ბებერი ქალბატონი" ამ ტურნირზე პირველად გავიდა შემდეგ ეტაპზე.
კრიშტიანომ კარიერაში "ატლეტიკოს" 25 გოლი გაუტანა. ყველაზე მეტი გოლი მას "სევილიას" კარში აქვს გატანილი - 27. მან ჩემპიონთა ლიგაზე მე-8 ჰეთ-თრიკი შეასრულა და "ბარსელონას" თავდამსხმელ ლეო მესის დაეწია.
ის ამ შეხვედრის წინ ოჯახის წევრებსა და მეგობრებს 3 გოლის გატანას დაპირდა.
კიელინიმ "იუვენტუსში" მე-500 მატჩი ჩაატარა.
"იუვემ" ამ შეხვედრაზე კლუბისთვის სარეკორდო 5.5 მილიონი ევრო გამოიმუშავა.
ტურინი. "ალიანც სტადიუმი". 40 488 მაყურებელი
იუვენტუსი - ატლეტიკო 3:0
გოლები: 1:0 რონალდო (27), 2:0 რონალდო (49), 3:0 რონალდო (86, პენ)
იუვენტუსი: შესნი, კიელინი, ბონუჩი, კანსელუ, ჩანი, სპინაცოლა (დიბალა 67), მატიუიდი, პიანიჩი. ბარნერდესკი, მანჯუკიჩი (კინი 80), რონალდო
ატლეტიკო: ობლაკი, ხიმენესი, ხუანფრანი, არიასი (ვიტოლო 77), გოდინი, კოკე, ერნანდესი, საული, ლემარი (კორეა 57), მორატა, გრიზმანი
![alt](/pictures/image50/0391f2a2dde5242144378f0017921b13.jpg "ჩემპიონთა ლიგა. 1/8 ფინალი: რონალდო - "ატლეტიკო" 3:0 - მარტო ამისთვის ღირდა კრიშტიანოს შეძენა! [VIDEO]")
რონალდომ სიმეონეს "დიდი კვერცხების" ჟესტი გაიმეორა და თქვა, რომ ასეთი საოცრებებისათვის მიიწვიეს
![alt](/pictures/image50/f88c5359e799ce6ddb7337856f8b045f.jpg "ჩემპიონთა ლიგა. 1/8 ფინალი: რონალდო - "ატლეტიკო" 3:0 - მარტო ამისთვის ღირდა კრიშტიანოს შეძენა! [VIDEO]")
მასიმილიანო ალეგრი: შევეცდებით ფინალში გავიდეთ და ჯიჯი ბუფონი თან წავიყვანოთ
![alt](/pictures/image50/538a4323e43040e214476d5d14691e87.jpg "ჩემპიონთა ლიგა. 1/8 ფინალი: რონალდო - "ატლეტიკო" 3:0 - მარტო ამისთვის ღირდა კრიშტიანოს შეძენა! [VIDEO]")
დიეგო სიმეონე: როდესაც მეტოქე ასეთ შეხვედრას ჩაატარებს, ისღა დაგრჩენია, მიულოცო
![alt](/pictures/image50/2bbfff4f289651ddd5844bc12f67bb4b.jpg "ჩემპიონთა ლიგა. 1/8 ფინალი: რონალდო - "ატლეტიკო" 3:0 - მარტო ამისთვის ღირდა კრიშტიანოს შეძენა! [VIDEO]")
ანტუან გრიზმანი: რონალდო დიადი ფეხბურთელია - სამი მომენტი ჰქონდა და სამივე გამოიყენა
!["რეალი" თავის სტიქიაშია - ისევ დამაჯერებელი გამარჯვება მოიპოვა [VIDEO]](/pictures/image7/77351504eac25fcbc227734a9c5c615b.jpeg "\"რეალი\" თავის სტიქიაშია - ისევ დამაჯერებელი გამარჯვება მოიპოვა [VIDEO]")
!["მაქვს, ოცნება, რომ ედუარდო კამავინგასთან ერთად ვიცეკვო" - ანჩელოტიმ "რეალის" ფანები გაახალისა [VIDEO]](/pictures/image7/5f0b618c4869908588e239d2a19dca64.png "\"მაქვს, ოცნება, რომ ედუარდო კამავინგასთან ერთად ვიცეკვო\" - ანჩელოტიმ \"რეალის\" ფანები გაახალისა [VIDEO]")
1. როდესაც ვიდეო რეფერი ბურთის გადაკვეთას გვერდით ხაზზე (რეალი აიაქსი) ვერ ამჩნევს და თვლის რომ მთლიანად არ გადაუკვეთავსო. ხომ არ გეჩვენებათ, რომ მეორე გოლისას ჰაერში ბურთმა გადაკვეთა თუ არა მთლიანად კარის ხაზი ცოტა არ იყოს საკამათოა?
2. მესამე გოლის ეპიზოდში სად დაინახეთ კონტაქტი რომელსაც დასადები პენალტი, ქვია. პირადად მე კონტაქტში ეჭვი მეპარება.
მერე რა რომ გუშინ ატლეტიკოს თამაში შეიძლება ყველაფერს იმსახურებდა, მაინც სამართლიანობა ის ხომ არ არის მე რომ იუვე და რონალდო უფრო მომწონს?.
მასე მე საქართველოს ნაკრები (ჩვენი მკვლელი) მირჩევნია და გაგვხადონ მსოფლი ჩემპიონები (თუმცა ატლეტიკოს დონეზე ითამაშონ და მაგას ვჩივარ :). )