"ლივერპულის" მეკარე ლორის კარიუსმა, რომელიც ამჟამად სტამბულის "ბეშიქთაშში" ასპარეზობს, გადაწყვიტა, არ დასწრებოდა ჩემპიონთა ლიგის ფინალს, რომელშიც "წითლები" "ტოტენჰემ ჰოთსპურს" დაუპირისპირდებიან.
როგორც Daily Mail-ი აცხადებს, მერსისაიდელებმა მოწვევა ყველა იმ ფეხბურთელს გაუგზავნეს, რომლებიც იჯარის წესით სხვა კლუბებში თამაშობენ.
გერმანელმა მეკარემ უარი თქვა შეთავაზებაზე იმ მოტივით, რომ მისმა თამაშზე დასწრებამ, შესაძლოა, ყველას ყურადღება მიიპყროს და ნეგატიური ზემოქმედება მოახდინოს გუნდზე.
კლუბში კარიუსის გადაწყვეტილებას მხარი დაუჭირეს. აღსანიშნავია, რომ ჩემპიონთა ლიგის ფინალზე დასწრების ნაცვლად, ლორისი შვებულებაში გაემგზავრება.
შეგახსენებთ, რომ შარშანდელი ჩემპიონთა ლიგის ფინალურ შეხვედრაში "ლივერპულის" კარს
სწორედ ლორის კარიუსი იცავდა. აღნიშნულ თამაშში გერმანელმა ორი უხეში შეცდომა დაუშვა და "რეალს" ტიტულის მესამედ მოგება გაუადვილა.
![alt](/pictures/image50/272fdc8804f5f6d1b62c774925ec677f.jpg "არ დათარსოს - ლორის კარიუსმა "ლივერპულის" მიწვევაზე უარი თქვა")
კარიუსი დროს ტყუილად არ კარგავს - "უიღბლო მეკარე" Rammstein-ის სოლისტის ყოფილთან შენიშნეს [PHOTO]
იურგენ კლოპი ჩემპიონთა ლიგის ფინალზე: ყველაფერი საუკეთესო მესამე ცდიდან მიიღწევა
ჰარი კეინი: ფინალი რომ ხვალ იყოს, სათამაშოდ მზად ვარ
![ჩემპიონთა ლიგა. III ტური: რაფინიას ჰეთ-თრიკი - ელ კლასიკოს წინ "ბარსელონამ" "ბაიერნს" 4:1 მოუგო [VIDEO]](/pictures/image7/5b23cdea666d3812287c51b3c45cabb3.jpg "ჩემპიონთა ლიგა. III ტური: რაფინიას ჰეთ-თრიკი - ელ კლასიკოს წინ \"ბარსელონამ\" \"ბაიერნს\" 4:1 მოუგო [VIDEO]")
