ფანტასტიკა - "რეალმა" რეალური სასწაული მოახდინა და ფინალში გავიდა! [VIDEO]

AutoSharing Option
AUTO PLAY
ჩემპიონთა ლიგის საპასუხო ნახევარფინალურ მატჩში „რეალმა“ საკუთარ მოედანზე „მანჩესტერ სიტი“ დამატებით დროში 3:1 დაამარცხა და მეჩვიდმეტედ გავიდა ფინალში.

„ეტიჰადზე“ მინიმალური ანგარიშით (3:4) დამარცხებულ „სამეფო გუნდს“ ფინალში გასასვლელად სახლში რევანშის აღება მართებდა. ბუნებრივია, შეხვედრამ დიდი ინტერესი გამოიწვია. ესპანელმა ჩოგბურთელმა რაფაელ ნადალმა მადრიდის ტურნირის ორგანიზატორებს მიომირ კეცმანოვიჩთან თამაშის შუადღისთვის გადატანა სთხოვა, რათა საფეხბურთო მატჩს დასწრებოდა. მისი თხოვნა დააკმაყოფილეს, ორ სეტში გაიმარჯვა და კარლოს ალკარასთან ერთად „ბერნაბეუზე“ საყვარელ გუნდსაც უგულშემატკივრა.

ინიციატივას თავიდანვე სტუმრები დაეუფლნენ, შეუტიეს, პირველი მომენტი კი მხოლოდ მე-20 წუთზე შექმნეს, როდესაც
ბერნანდო სილვას დარტყმული ბურთი კურტუამ მოიგერია. ცოტა ხანში გაბრიელ ჟეზუსმა ოდნავ ააცილა მიზანს. მერე კურტუამ ფოდენს არ დაანება გატანა. მასპინძლები სწრაფი კონტრიერიშებით პასუხობდნენ. ჩვეულად ვინისიუსი აქტიურობდა, რომელსაც უოკერი ყურადღებით მეურვეობდა.

მეორე ტაიმის დაწყებისთანავე ვინისიუსმა შესანიშნავი შანსი გაუშვა. შემდეგ თამაში გარდამავალი უპირატესობით მიმდინარეობდა. 73-ე წუთზე მარეზმა კურტუას ახლო კუთხეში გაუტანა და კასტილიური გუნდი რთულ სიტუაციაში აღმოჩნდა. თუმცა, როცა საქმე ანჩელოტის გუნდს ეხება, ნებისმიერი საოცრებაა მოსალოდნელი. დარჩენილ დროში მანჩესტერელები უფრო მეტს უტევდნენ, განსაკუთრებით, შეცვლაზე შესული გრილიში გამოირჩეოდა. მისი აქტიურობის შედეგად ორი სახიფათო მომენტი შეიქმნა, მაგრამ არც ერთი არ დაგვირგვინდა გოლით. ბოლოს „ბლანკოსი“ შტურმზე გადავიდა და როდრიგომ დუბლით თავისი გუნდი დააწინაურა. იქვე როდრიგოს ჰეთ-თრიკის შესრულება ედერსონმა არ დაანება. საპასუხო შეტევისას ფოდენმა ვერ უწია მიზანს, 2:1 და დამატებითი დრო დაინიშნა.

დამატებითი დრო ბენზემას მოპოვებული და მის მიერვე გამოყენებული პენალტით დაიწყო. აქედან მოყოლებული, გვარდიოლას მთელი გუნდი იერიშზე გადავიდა და 105-ე წუთზე ფერნანდინიომ ცარიელ კარში ვერ შეძლო ბურთის გადაგზავნა. მეორე დამატებულ ტაიმში "სიტი" ქაოტურად და უხიფათოდ უტევდა და დამარცხდა.

28 მაისს პარიზში ფინალში "რეალი" "ლივერპულს" დაუპირისპირდება.

მადრიდი. „სანტიაგო ბერნაბეუ“. 61 416 მაყურებელი
რეალი - მანჩესტერ სიტი 3:1 (ძირ. დრო 2:1)
გოლები: 0:1 მარეზი (73), 1:1 როდრიგო (90), 2:1 როდრიგო (90+1), 3:1 ბენზემა (95, პენ)


მკითხველის კომენტარები / 52 /
ესეც მომდევნო შეიხის გუნდი გავუშვით რუსულ ხომალდთან, შეიხებმა აქლემების დოღს მიხედონ ურჩევნიათ. ორი კვირის წინ ეს რომ დავწერე ბევრმა დისლაიკები დამაყარა)))
მამუკა
05 მაისი 2022 01:45
18
კიდევ კაი იმ უკრაინელმა სთქვა ეგ "ფრთიანი ფრაზა" თორე რა გეშველებოდათ "მიმბაძველებს"? ისე გოიმებმმა იციან სხვისი ნათქვამის "ატაცება" და მერე ყოველ სიტყვაში მისი "გამეორება".
მამუკა თავს ნუ იბანძებ!
05 მაისი 2022 17:49
1
ღმერთებს უყვართ ეს გუნდი … ფანტასტიკურად, რამდენად დიდია ეს გუნდი , პიკიაა საფეხბურთო სამყაროსი
ნიკა
05 მაისი 2022 01:55
16
ყველაზე რთული გუნდები შეხვდა მადრიდს..და ფინალი რიმც წააგის..მაინც უდიდესი კლუბია...3 შეიხის და ფულის ტომრები გაუშვა რუსების გზაზე...ლივერპულიც ღირსეული გუნდია..დავტკბეთ ფინალით
კიეზა
05 მაისი 2022 07:13
2
კიეზა, შენ ვის ხომალდში გდიხარ?:დ:დ:დ
კიეზა ხარ თუ....დდდ
05 მაისი 2022 12:07
8
გასაგებია იმ ხალხის რეაქცია გუშინდელ თამაშზე ვინც სიტის, ბარსას ქომაგობს, ასევე მესისაც, როგორ ყველგან ტოტალიზატორი გელანდებათ, როდესაც რეალი იგებს? გრილიში რომ გავიდა ერთი ერთზე და დაარტყა და მენდიმ ცარიელი კარიდან გამოიტანა ბურთი წინასწარ ჰქონდა ეგ გათვლილი რომ ეგრე უნდა მომხდარიყო და მერე მეორეჯერაც კურტუამ რომ აუღო ეგეც სპეციალურად დაარტყა ისე, იქნებ ის აღიაროთ რომ გვარდიოლამ ნაადრევად ირწმუნა რომ მოგებული ჰქონდა და მოეშვა მთლიანად გუნდი
მამუკა
05 მაისი 2022 18:05
3
მე ფეხბურთის სატაჟიანი გულშემატკივარი ვარ და არა სიტის და მესის!!! ახალგაზრდებმა მინდა სწორად გამიგოთ, ადრეც ხდებოდა ფეხბურთში მაიმუნობები, მაგრამ ასე არასდროს მომხდარა ახლა რომ ხდება ფეხბურთის კომაგების გაბითურება!!! ამ სიბინძურიდან გამოსავალი რა არის ისიც გაცნობეთ, უნდა გავერთიანდეთ მთელი მსოფლიოს მაშტაბით ფეხბურთის გულშემატკივრები ამ უმსგავსოების აღმოსაფხვრელად!!!
....
05 მაისი 2022 19:46
11
ყოჩაღ ჩვენს პაპა კარლოს)) ვულოცავ რეალის გულშემატკივარს. სიტი კი შემეცოდა ისე მაგრამ რას ვიზამთ.
შოთა-მილანი
05 მაისი 2022 09:13
1
ორი ნაჩუქარი პენალით გასული ნათრევი ფინალისტი... საფეხბურთი ისტორიის ხელოვნურად შექმნილი ფლაგმანი... მსოფლიოს სპორტული სირცხვილი...
912
05 მაისი 2022 01:43
95
ეგ პენალტები თუ გულწრფელად ნაჩუქარი გგონია მართლა ჯობია თვალები შეიმოწმო
dato
05 მაისი 2022 07:47
3
კაი ოფთალოლოგი ვიცი თუ რამე გაგისვებ შემეხმიანე. ისე ოფთალმოლოგი თვალის ექიმია
Anz
05 მაისი 2022 02:40
2
ყველა გამოხმაურება
ძალიან მინდოდა რეალის გასვლა, როგორც ლივერპულის გულშემატკივარს

1. რევანშია ასაღები 2018 წლის გამო
2. სიტისთან უაზრო თამაში იქნებოდა, პრემიერლიგის მატჩივით. ესპანეთი-ინგლისის დაპირისპირება ჯობია
ლივერპული
05 მაისი 2022 11:33
3
ეხლა ამასაც "ფეხბურთი" უნდა ერქვას და რასაც ჩვენთან ჯახირობენ იმასაც?))
რეზო
05 მაისი 2022 09:49
1
ბერნაბეუს ფაქტორი და ცოტა იღბალიც-ეგ რა თქმა უნდა იყო, მაგრამ მთავარი მაინც ისაა რომ ანჩელოტიმ აჩვენა რომ როგორც მწვრთნელი, იგი ჯობს გვარდიოლას. ასეთ თამაშებში დეტალები წყვეტს თამაშის ბედს ხოდა მაგ დეტალებით აჯობა. თამაშის მანძილზე უკეთ ხელმძღვანელობდა გუნდს. ის ბოლო წუთები ძირითადი დროის , როდესაც თამაში პრაქტიკულად გადაწყდა, კარლოს დამსახურებაა და გვარდიოლას შეცდომა. მართალია მალევე გამოასწორა მაგრამ გვიან იყო.
არტ
05 მაისი 2022 12:01
4
ერთიც და მთელ პრემიერლიგას ხინკლის ჩეკივით ....
წაიკითხე ხმამაღლა
05 მაისი 2022 10:27
3
ჯერ პსჟ-სთან იძახდი მასე, მერე ჩელსისთან, მერე სიტისთან :) ლივერპულის მერე იტყვი ალბად მომდევნო ლიგას ვეღარ მოიგებო :):)
sormona
05 მაისი 2022 12:14
1
ვერანაირი იღბალი ვერ უშველის რეალს ფინალში!
თუ გინდა იყვირეშ
05 მაისი 2022 11:39
23
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

სიახლეები პოპულარული