ჩემპიონთა ლიგის ფინალში "ლივერპულის" 1:0 დამარცხების შემდეგ, კომენტარი "რეალის" მეკარე ტიბო კურტუამ გააკეთა, რომელიც მატჩის საუკეთესო ფეხბურთელად აღიარეს.
"გუშინ პრესკონფერენციაზე ვთქვი, რომ როდესაც "რეალი" ფინალში გადის - იმარჯვებს. ვთქვი, რომ ახლა სწორ მხარეს ვარ. ამის შემდეგ ბევრმა დაწერა, რომ დამამცირებდნენ. დღეს კი ყველაფერი პირიქით იყო.
დღეს გამარჯვება ჩემი კარიერისთვის მჭირდებოდა, გაწეული გულმოდგინე შრომისთვის. მოგება აუცილებელი გახლდათ ჩემი სახელის პატივისცემისათვის, რადგან მიმაჩნია, რომ საკმარისად პატივს არ მცემენ, განსაკუთრებით ინგლისში. შესანიშნავი სეზონის შემდეგაც კი მაკრიტიკებდნენ.
ვამაყობ ჩემი გუნდით. როდესაც საჭირო გახდა, გუნდს
დავეხმარე.
მსოფლიოს საუკეთესო კლუბებს ვძლიეთ. "მანჩესტერ სიტიმ" და "ლივერპულმა" დაუჯერებელი სეზონი ჩაატარეს, პრემიერლიგაში ბოლომდე იბრძოლეს. "ლივერპულმა" ორი თასი მოიგო და ძალიან ძლიერი იყო.
დიდებული შეხვედრა ჩავატარეთ. ერთი შანსი გვქონდა და გამოვიყენეთ", - ციტირებს კურტუას BT Sport-ი.
ეს მადრიდია - ბრწყინვალე კურტუა და "რეალმა" კარში ერთადერთი დარტყმით ჩემპიონთა ლიგა მოიგო! [VIDEO]
![ასე დასცინეს გვარდიოლას "ტოტენჰემის" ფანებმა - გვარდიოლამ სამწვრთნელო კარიერაში ყველაზე ცუდი შედეგი დააფიქსირა [VIDEO]](/pictures/image7/dae53d15a7ea3ed2658a0515f50a9770.png "ასე დასცინეს გვარდიოლას \"ტოტენჰემის\" ფანებმა - გვარდიოლამ სამწვრთნელო კარიერაში ყველაზე ცუდი შედეგი დააფიქსირა [VIDEO]")
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
