კიევის "დინამოსა" და რეინჯერსის" ჩემპიონთა ლიგის მესამე საკვალიფიკაციო ეტაპის პირველ მატჩში VAR-ის მსაჯი ბარტოშ ფრანკოვსკი, მეორე ასისტენტი კი ტომაშ მუსიალა უნდა ყოფილიყო, მაგრამ ისინი პოლიციამ დააკავა.
TVP Sport-ის ცნობით, დღეს ღამით ნასვამ მდგომარეობაში მყოფი არბიტრები კიდევ ერთ ადამიანთან ერთად ქალაქ ლიუბლინის ქუჩაში საგზაო ნიშნით ხელში გადაადგილდებოდნენ და სავაჭრო ცენტრისკენ მიემართებოდნენ.
ექსპერტიზის შედეგად დადგინდა, რომ ფრანკოვსკის სისხლში ეთანოლის შემცველობა 1.8 პრომილეს შეადგენდა, ხოლო მუსიალასი - 1.7-ს. ამის შესახებ ქალაქის პოლიციის მთავარი სამმართველოს პრესსამსახურის ხელმძღვანელი კამილ გოლომბიოვსკი იტყობინება. პოლონელ მსაჯებს ღამის გამოსაფხიზლებელში
გატარება მოუწიათ.
მათ ნაცვლად შეხვედრას ტომაშ კვიატკოვსკი და პაველ მალეცი მოემსახურებიან. პოლონეთის ფეხბურთის კავშირი ინციდენტს შეისწავლის და შეიძლება ფრანკოვსკისთან და მუსიალასთან შრომითი ხელშეკრულებები გაწყვიტოს.
გუნდი-გუნდზე - თურქეთში უკრაინელმა და რუსმა ფეხბურთელებმა მაგრად იჩხუბეს [VIDEO]
![აზაროვი და გოჩოლეიშვილი "შახტართან" ერთად უკრაინის ჩემპიონები გახდნენ [VIDEO]](/pictures/image7/d288892024e4b96f876b29cb3269487e.jpg "აზაროვი და გოჩოლეიშვილი \"შახტართან\" ერთად უკრაინის ჩემპიონები გახდნენ [VIDEO]")
