"ბარსელონას" თავდამსხმელმა ლიონელ მესიმ აღნიშნა, თუ რომელ კომპონენტში სურს, რომ მოუმატოს."პენალტებზე უნდა ვიმუშაო. უფრო ეფექტური უნდა ვიყო. ეს ძალიან რთული ელემენტია. ერთია, დარტყმა დაამუშაო, ხოლო მეორე - ის მატჩებში გამოიყენო.
ამ დროს შესაძლოა ბევრმა ფაქტორმა იმოქმედოს. შეიძლება გეგმა გქონდეს, როგორ უნდა დაარტყა, მაგრამ მისი სისრულეში მოყვანა ყოველთვის არ გამოდის.
დღეს მეკარეები ისეთ ბურთებს იღებენ, რომლებიც წარსულში ბადეში გაეხვეოდა. პენალტი ზუსტად ის კომპონენტია, რომელშიც უნდა მოვუმატო", - თქვა მესიმ.
არგენტინელმა ფეხბურთელმა კარიერის განმავლობაში 88 პენალტი შეასრულა, საიდანაც 71 (80%) გაიტანა.
