მადრიდის "ატლეტიკომ" ლისაბონის "ბენფიკადან" შეძენილი 19 წლის ფეხბურთელი ჟოაო ფელიში წარადგინა. ახალგაზრდა შემტევმა "ათლეტებთან" 7-წლიანი კონტრაქტი გააფორმა და 7-ნომრიანი მაისური ჩაიბარა, რომელსაც წლების განმავლობაში მადრიდელთა ლიდერი ანტუან გრიზმანი ატარებდა.
პრეზენტაციაზე კომენტარი ფელიშმა და კლუბის პრეზიდენტმა ენრიკო კერეზომ გააკეთეს.
"ბედნიერი ვარ, რომ ამ პროექტისა და კლუბის ისტორიის ნაწილი გავხდი. თანაგუნდელები კარგად შემხვდნენ და მზად ვარ "ატლეტიკოს" ყველაფერში დავეხმარო. აქ საკუთარი ისტორიის დასაწერად ვარ", - განაცხადა ფელიშმა.
"ზოგიერთი ადამიანი თანდაყოლილი ნიჭით იბადება, რომელსაც ადრეულ ასაკშივე ავლენენ - მწერლები, მხატვრები, მოქანდაკეები, სპორტსმენები... "ტალანტი"
არის სიტყვა, რომელიც ყველაზე კარგად აღწერს ჟოაოს. 19 წლის ასაკში მას უკვე დიდებული კარიერა აქვს და ვამაყობთ, რომ მან "ატლეტიკო" აირჩია. ჟოაო, კეთილი იყოს შენი მობრძანება!", - ეს უკვე პრეზიდენტის სიტყვებია.
მადრიდულმა კლუბმა პორტუგალიელი მოთამაშის სანაცვლოდ "ბენფიკას" 126 მილიონი ევრო გადაუხადა.
ჟოაო ფელიშს 19 წლის ასაკში მართლაც გამორჩეული სეზონი ჰქონდა - პორტუგალიის პრიმეირა ლიგაში 26 შეხვედრა გამართა, სადაც 15 გოლითა და 9 საგოლე გადაცემით გამოირჩა. ევროპა ლიგაზე ჩატარებულ 6 შეხვედრაში კი მის ანგარიშზე 3 გოლი და 1 შედეგიანი პასია.
ჟოაო ფელიშს 19 წლის ასაკში მართლაც გამორჩეული სეზონი ჰქონდა - პორტუგალიის პრიმეირა ლიგაში 26 შეხვედრა გამართა, სადაც 15 გოლითა და 9 საგოლე გადაცემით გამოირჩა. ევროპა ლიგაზე ჩატარებულ 6 შეხვედრაში კი მის ანგარიშზე 3 გოლი და 1 შედეგიანი პასია.
![alt](/pictures/image50/9608cb25274645cf25aace0d681196cf.jpg "მადრიდის "ატლეტიკომ" ჟოაო ფელიში წარადგინა და გრიზმანის მაისური გადასცა")
ვინ იქნება ანტუან გრიზმანის შემცვლელი? - 7 ივლისის ტრანსფერები და ჭორები
![ჩემპიონთა ლიგა. IV ტური: "ბარსელონა" შეუჩერებელია - იტალიური გუნდების წარმატებული სვლა გრძელდება [VIDEO]](/pictures/image7/9aabdb4edc99f3cf31c03002fb06545e.jpeg "ჩემპიონთა ლიგა. IV ტური: \"ბარსელონა\" შეუჩერებელია - იტალიური გუნდების წარმატებული სვლა გრძელდება [VIDEO]")
![ჩემპიონთა ლიგა. III ტური: რაფინიას ჰეთ-თრიკი - ელ კლასიკოს წინ "ბარსელონამ" "ბაიერნს" 4:1 მოუგო [VIDEO]](/pictures/image7/5b23cdea666d3812287c51b3c45cabb3.jpg "ჩემპიონთა ლიგა. III ტური: რაფინიას ჰეთ-თრიკი - ელ კლასიკოს წინ \"ბარსელონამ\" \"ბაიერნს\" 4:1 მოუგო [VIDEO]")
