ესპანეთის სუპერთასის ფინალში "ბილბაომ" დამატებით დროში 3:2 დაამარცხა "ბარსელონა".
"ბარსას" კაპიტანმა მესიმ ნახევარფინალი ტრავმის გამო გამოტოვა, ამ მატჩში კი შეუცვლელად ითამაშა, თუმცა თავის გუნდს ვერაფრით შეეწია. შეეწია კი არა, 120+1-ე წუთზე ვილიალიბრესთან ქიმუნჯისთვის პირდაპირი წითელი ბარათით გააძევეს. ეს "ბარსაში" ჩატარებულ 753 მატჩში მისი პირველი წითელი ბარათია - არგენტინის ნაკრებში ორჯერ გააძევეს.
კატალონიური გუნდი გრიზმანმა ორჯერ დააწინაურა, მაგრამ ბასკებმა ორივეჯერ მოახერხეს ანგარიშის გათანაბრება, დამატებით დროში კი გამარჯვების გოლიც გაიტანეს.
მოკლედ, მარსელინიოს გაწვრთნილმა გუნდმა "რეალსაც" მოუგო და "ბარსელონასაც" და სუპერთასს დაეუფლა. ამ დროს ლა ლიგაზე მე-12 ადგილზეა. მარსელინიო პირველი მწვრთნელია, რომელმაც "ბარსას" ზედიზედ მეორე ფინალში სძლია - გასულ წელს ესპანეთის თასზე მისმა "ვალენსიამ" მოუგო.
სევილია. "ოლიმპიკო"
ბარსელონა - ბილბაო 2:3 (ძირ. დრო 2:2)
გოლები: 1:0 გრიზმანი (40), 1:1 დე მარკოსი (42), 2:1 გრიზმანი (77), 2:2 ვილიალიბრე (90), 2:3 უილიამსი (93)
გაძევება: მესი (120+1)
![alt](/pictures/image50/2bae1d14152826323199d47d94b6d187.jpg ""ბილბაომ" "ბარსელონას" საოცარი მატჩი შემოუტრიალა - მესი "ბარსაში" კარიერაში პირველად გააძევეს [VIDEO]")
მესი "ბილბაოსთან" მატჩში სასტარტოში იქნება
x x x -ს: ქიმუნჯი არის - ყისტი, მუშტის წაკვრა.