L’Equipe-ის ინფორმაციით, "ბარსელონა" და "იუვენტუსი" ფეხბურთელების ხმაურიან გაცვლას აპირებენ - ტურინელთა რიგებში ანტუან გრიზმანი შეიძლება გადავიდეს, "ბლაუგრანას" რიგები კი პოლო დიბალამ შეავსოს. ხაზი გაესვა იმას, რომ არგენტინელისა და ფრანგის გაცვლის იდეა "ბარსელონას" ეკუთვნის - აღნიშნულ საკითხზე მოლაპარაკებები სწორედ "ლურჯ-წითლებმა" დაიწყო.
გასულ სეზონში 30 წლის გრიზმანმა "ბარსელონას" შემადგენლობაში 51 მატჩი ჩაატარა, 20 გოლი გაიტანა და 13 საგოლე გადაცემა გააკეთა. Transfermarkt-ის მიერ 60 მილიონ ევროდ შეფასებულ გრიზმანს აქამდე მსურველები პრემიერლიგიდან ჰყავდა.
იტალიის
დასრულებულ ჩემპიონატში დიბალამ "იუვენტუსის" მაისური 20-ჯერ მოირგო, 4 გოლი შეაგდო და 3 ასისტიც გააკეთა. არგენტინელი "ბებერი სინიორას" რიგებში 2015 წელს "პალერმოდან" გადავიდა. Transfermarkt-ი დიბალას 50 მილიონ ევროდ აფასებს.
![alt](/pictures/image50/49cb1eb2363224ca6dee8e045cf1b783.jpg ""იუვე" და "ბარსა" ხმაურიან გაცვლას ამზადებენ")
"ატლეტიკოს" პრეზიდენტმა გრიზმანის დაბრუნების ალბათობა შეაფასა![alt](/pictures/image50/c3c18c04d5e6922b5516092c6eb19acb.jpg ""იუვე" და "ბარსა" ხმაურიან გაცვლას ამზადებენ")
დიბალას 10-მილიონიანი ხელფასი ეცოტავა და ყიდიან
