Sport.es-ის ინფორმაციით, "ბარსელონას" სპორტულმა დირექტორმა დეკომ გუნდში ნეიმარის შესაძლო დაბრუნების თემა დახურა. პორტუგალიელი წინააღმდეგია, რომ ბრაზილიელმა კვლავ კატალონიელთა ფორმა მოირგოს და ამას რამდენიმე მიზეზი აქვს. უპირველეს ყოვლისა, დეკო თვლის, რომ ნეიმარმა უკვე გადალახა კარიერის პიკი და "ბლაუგრანას" ვერ გააძლიერებს. ასევე, კატალონიური კლუბი შიშობს, რომ ბრაზილიელმა ვარსკვლავმა შესაძლოა, უარყოფითად იმოქმედოს გუნდის გასახდელზე.
შეგახსენებთ, რომ ნეიმარი ამჟამად "სანტოსში" ასპარეზობს. მან ახლახან მორიგი ტრავმა მიიღო და მოედანზე მისი დაბრუნების ზუსტი თარიღი ჯერჯერობით უცნობია.
![ჩემპიონთა ლიგა. 1/8-ფინალი: ფავორიტებმა გაიმარჯვეს [VIDEO]](/pictures/image7/e5b3a1d2fae521954e52b6150c6b3344.jpg "ჩემპიონთა ლიგა. 1/8-ფინალი: ფავორიტებმა გაიმარჯვეს [VIDEO]")
