რივალდოს შვილის მამის გზაზე - ეფექტური გოლი "ატლეტიკის" კარში [VIDEO]

AutoSharing Option
AUTO PLAY
ლეგენდარული ბრაზილიელი თავდამსხმელის, რივალდოს შვილმა, რივალდინიომ, ევროპის ლიგაზე, "ატლეტიკს" ძალიან ლამაზი გოლი გაუტანა.

ბუქარესტის "დინამოსა" და ბილბაოს "ატლეტიკს" შორის გუშინ გამართული შეხვედრის 54-ე წუთზე, როდესაც მასპინძლები 0:1 აგებდნენ, 22 წლის ბრაზილიელმა შორიდან მამის საყვარელ სტილში გაისროლა და ლამაზი გოლი გაიტანა.

ბილბაოელთა კარში გოლების გატანა უცხო არც რივალდოსთვის ყოფილა. ბასკების წინააღმდეგ ჩატარებულ 12 შეხვედრაში ბრაზილიელს 6 გოლი აქვს გატანილი.

რაც შეეხება რივალდინიოს - ის ახალ სეზონს კარგ ფორმაში ხვდება. გასულ სეზონში, "დინამოს" მაისურით ჩატარებულ 13 შეხვედრაში მან 2 გოლი გაიტანა. მიმდინარე
სეზონში კი, მეტოქის კარის 2-ჯერ ასაღებად მას მხოლოდ 3 თამაში დასჭირდა.

ერთი საინტერესო ფაქტიც: 2015 წლის ივლისში, "მოჟი მირიმში" მოთამაშე რივალდომ და რივალდინიომ, გოლი ერთ შეხვედრაში გაიტანეს. ეს ფეხბურთის ისტორიაში ცნობილი ერთადერთი შემთხვევაა, როდესაც მამა-შვილმა გოლი ერთ ოფიციალურ მატჩში გაიტანა.
მკითხველის კომენტარები / 1 /
შეიძლება ვცდები, მაგრამ მეგრალეძეებს გატანილი უნდა ქონდეთ მამას და შვილს ერთ თამაშში საქართველოს ჩემპიონატში
irakli
15:14 28-07-2017
0

ასევე დაგაინტერესებთ
სიახლეები პოპულარული