გადამწყვეტ მატჩამდე გზა „ვილიარეალმა“ დაუმარცხებლად განვლო, ფავორიტად არ მიიჩნეოდა, თუმცა საფეხბურთო სამყაროში უნაი ემერიზე უკეთ არავინ იცის, როგორ უნდა მოიგო ეს ტურნირი. „მანჩესტერს“ კი პოლონეთში თვით ალექს ფერგიუსონი გაჰყვა. აღსანიშნავია, რომ ამ გუნდების წინა ოთხივე შეხვედრა 0:0 დასრულდა.
მცირე უპირატესობას „იუნაიტედი“ ფლობდა, ანგარიში კი 29-ე წუთზე ესპანელთა თავდამსხმელმა ჟერარ მორენომ გახსნა, რომელმაც ამ სეზონში ყველა ტურნირზე 30 გოლი გაიტანა. მეორე ტაიმის დასაწყისში 34 წლის ედინსონ კავანიმ ანგარიში გაათანაბრა. ის „მანჩესტერში“ევროტურნირების ფინალში გოლის გამტანი ყველაზე ასაკოვანი ფეხბურთელია და ტურნირზე უკანასკნელ 4 მატჩში მის ანგარიშზე 6 გოლი და 2 საგოლე გადაცემაა. ამის შემდეგ ოლე-გუნარ სოლსკიაერის გუნდმა კიდევ რამდენიმე მომენტი ვერ გამოიყენა და დამატებითი დრო დაინიშნა.
დამატებით დროში უკეთ „ყვითელი სუბმარინა“ გამოიყურებოდა, მაგრამ ანგარიშის შეცვლა ვერ მოახერხა. სამაგიეროდ, პენალტების სერიაში იმარჯვა და ემერიმ მეოთხედ მოიგო ევროპა ლიგა. აღსანიშნავია, რომ გუნდებმა 22 თერთმეტმეტრიანი შეასრულეს, გადამწყვეტი კი მეკარეების დუელი გამოდგა, სადაც რულიმ დე ხეა დაჯაბნა.
გდანსკი. „PGE არენა“
ვილიარეალი - მანჩესტერი (1:1, პენ 11:10)
გოლები: 1:0 ჟერარ მორენო (29), 1:1 კავანი (55)
ევროპა ლიგა. აქ ინგლისური ფინალი არ შედგა [VIDEO]
!["ნამდვილად "ჩელსის" ფეხბურთელია"? - მუდრიკის უცნაური რეაქცია გამარჯვების გოლზე [PHOTO]](/pictures/image7/80d6206d41ca59c4d18532043721efbf.png "\"ნამდვილად \"ჩელსის\" ფეხბურთელია\"? - მუდრიკის უცნაური რეაქცია გამარჯვების გოლზე [PHOTO]")
![7-გოლიანი თრილერი და პალმერის ჰეთ-თრიქი - "ჩელსიმ" "იუნაიტედი" ბოლო წამებზე დაამარცხა [VIDEO]](/pictures/image7/cb90bda4bcd5dd729177ff289bdf9114.jpg "7-გოლიანი თრილერი და პალმერის ჰეთ-თრიქი - \"ჩელსიმ\" \"იუნაიტედი\" ბოლო წამებზე დაამარცხა [VIDEO]")
