თუ პანდევი იტანს, ჩრდ. მაკედონია დაუმარცხებელია - ვეტერანის საინტერესო სტატისტიკა

12 ნოემბერს, "დინამო არენაზე" დამოუკიდებელი საქართველოს ისტორიაში ყველაზე მნიშვნელოვანი შეხვედრა გაიმართება - საქართველოს ეროვნული ნაკრები ჩრდილოეთ მაკედონიას დაუპირისპირდება და ევროპის ჩემპიონატზე გასასვლელად იბრძოლებს.

პანდემიის ფონზე, ქვეყნებში არსებული შეზღუდვებიდან გამომდინარე, რამდენიმე ფეხბურთელის თბილისში ჩამოსვლის საკითხი კითხვის ნიშნის ქვეშ იყო. 

მედიაში გავრცელებული ინფორმაციების თანახმად, ჩრდილომაკედონიელთა ლიდერი გორან პანდევი საქართველოს წინააღმდეგ ვერ ითამაშებდა. ამის მიზეზად ზემოთ აღნიშნული მდგომარეობა ითვლებოდა, თუმცა მაკედონიურმა გამოცემამ ეს ინფორმაცია არ დაადასტურა.

პანდევი, აგერ, უკვე 16 წელია იტალიის სერია A-ში ასპარეზობს. ამჟამად ის "ჯენოას" ღირსებას იცავს და მიმდინარე სეზონში ერთი გოლი აქვს გატანილი.

საკლუბო დონეზე რომ არაფერი ვთქვათ, პანდევის როლი ნაკრებისთვის შეუცვლელია. გარდა 
იმისა, რომ ის მაკედონიელთა ყველა დროის ბომბარდირია (35 გოლი), მის თითოეულ გოლს გადამწყვეტი მნიშვნელობა აქვს.

2009 წლის შემდეგ, ყველა შეხვედრაში (საერთაშორისო დონე), როცა გორანმა თავი გატანილი  გოლით გამოიჩინა, ჩრდილოეთი მაკედონია დაუმარცხებელია (13 მოგება, 2 ფრე).

ჩრდილომაკედონიელები გამარჯვებას წინასწარ ზეიმობენ

პანდევი თბილისში ითამაშებს, ელმასი და ადემი საეჭვოა