ევროპირველობის საკვალიფიკაციო ეტაპის მეექვსე ტურში იტალიამ სახლში მალტა 4:0 დაამარცხა.
დუბლი "სასუოლოს" თავდამსხმელმა დომენიკო ბერარდიმ შეასრულა. მეტოქის კარი "ფიორენტინას" 34 წლის ნახევარმცველმა ჯაკომო ბონავენტურამ დალაშქრა და იტალიის ნაკრების ისტორიაში სადებიუტო გოლის გამტანი ყველაზე ასაკოვანი ფეხბურთელი გახდა.
"ნაპოლის" ფეხბურთელებიდან ჯაკომო რასპადორიმ შეუცვლელად ითამაშა, ალექს მერეტი და ჯოვანი დი ლორენცო კი სათადარიგოები იყვნენ.
C ჯგუფში 13 ქულით ლიდერი ინგლისია, იტალია კი 10 ქულით მეორე ადგილზეა. ამ გუნდებს 5-5 მატჩი აქვთ ჩატარებული. უკრაინას 10 ქულა აქვს, ჩრდილოეთ მაკედონიას 7, ხოლო მალტა უქულოდაა.
17
ოქტომბერს ლუჩანო სპალეტის გუნდი "უემბლიზე" ინგლისს დაუპირისპირდება.
ბარი. "სან ნიკოლა"
იტალია - მალტა 4:0
გოლები: 1:0 ბონავენტურა (21), 2:0 ბერარდი (45+1), 3:0 ბერარდი (63), 4:0 ფრატეზი (90+3) 
იტალიამ უკრაინას მოუგო - სპალეტიმ შვებით ამოისუნთქა
