დღეს, 1-ელ ივლისს, ევროპის ჩემპიონატის მერვედფინალში, პორტუგალია სლოვენიას დაუპირისპირდება. მატჩის წინ პორტუგალიელთა ნახევარმცველმა ბრუნო ფერნანდეშმა ჟურნალისტებთან ისაუბრა."მანკუნიანელთა" ერთ-ერთი ლიდერის თქმით, პორტუგალიისთვის საქართველოსთან მატჩი გაკვეთილი უნდა გამოდგეს და იგივე შეცდომები არ გაიმეორონ, რაც "ჯვაროსნებთან" (0:2) მატჩში დაუშვეს.
"სლოვენიას პატივს ვცემთ, მაგრამ მათი არ გვეშინია. არ აქვს მნიშვნელობა, ვის ვუპირისპირდებით, ყველასთან გამარჯვება გვსურს.
ჯგუფურ ეტაპზე ბევრი დადებითი რამ მოხდა, საქართველოსთან მარცხში პოზიტივი უნდა დავინახოთ. სამივე მატჩის მოგება გვინდოდა, თუმცა ჯგუფის გამარჯვებულები მაინც ჩვენ გავხდით. უკვე მერვედფინალში ვართ და ყველაფერი განსხვავებულად იქნება.
შეგახსენებთ, პორტუგალიისა და სლოვენიის დაპირისპირება თბილისის დროით 23:00 საათზე დაიწყება.
![საქართველოს ნაკრები ჩეხეთთან დამარცხდა და B ლიგაში დასარჩენად პლეი-ოფში ბრძოლა მოუწევს [VIDEO]](/pictures/image7/60fde89fbb7497ad404ac1322a939e02.jpg "საქართველოს ნაკრები ჩეხეთთან დამარცხდა და B ლიგაში დასარჩენად პლეი-ოფში ბრძოლა მოუწევს [VIDEO]")
