ეპანეთის ნაკრების შემტევმა დანი ოლმომ ევრო 2024-ზე მოახლოებული ფინალის წინ Uefa-ს ოფიციალურ საიტს ინტერვიუ მისცა. "ლაიფციგის" 26 წლის ფეხბურთელმა შესაძლო ბომბარდირობაზე ისაუბრა. მოგეხსენებათ, გუშინ ევროპული ფეხბურთის მმართველმა ორგანომ წესი შეცვალა და ახლა ოლმოს ერთი გოლი ესაჭიროება, რათა ერთპიროვნულად მოიპოვოს "ოქროს ბუცი".
"უნიკალური სტილი გვაქვს, ყველაფერი კარგად მიდის და ჩვენი ძლიერი მხარეც ესაა. ჩვენი ზოგადი ფილოსოფია ფინალში ნამდვილად არ შეიცვლება, მხოლოდ წვრილმან დეტალებში შესაძლოა იყოს მცირედი სხვაობა, რაშიც მწვრთნელი კორექტივებს შეიტანს.
ბომბარდირობა? - არ მაინტერესებს! მთავარია გავიმარჯვოთ და ჩემთვის მნიშვნელობა არ
გერმანიის დამარცხება საკუთარ კედლებში დიდი მიღწევა იყო და ასევე დიდი წარმატება იქნება ინგლისთანაც მოედანის გამარჯვებულად დატოვება.
ფინალამდე რთული გზა გვქონდა, მაგრამ ევროს მოსაგებად საუკეთესოები უნდა დაამარცხო. 2020 წლის იმედგაცრუებისა და ნახევარფინალში მარცხის შემდეგ, ტრიუმფამდე 90 წუთი გვაქვს დარჩენილი. მხოლოდ გამარჯვებისთვის ვითამაშებთ", - ციტირებს უეფას ოფიციალური საიტი ოლმოს.
ინფორმაციისთვის, ესპანეთისა და ინგლისის დაპირება 14 ივლისს თბილისის დროით 23:00 საათზე დაიწყება.
![alt](/pictures/image50/21c01a5d3b74468027712a8133328df4.jpg ""არ მაინტერესებს!" - ოლმომ მოახლოებული ფინალის წინ ევრო 2024-ზე შესაძლო ბომბარდირობაზე ისაუბრა")
შესანიშნავი ამბავი - შესაძლოა, მიქაუტაძე ევრო 2024-ზე "ოქროს ბუცის" მფლობელი მაინც გახდეს
