22 წლის ნიდერლანდელი მცველი მატეის დე ლიხტი მიუნხენში ჩაფრინდა, რათა სამედიცინო შემოწმება გაიაროს და "ბაიერნის" ფეხბურთელი ოფიციალურად გახდეს."რეკორდმაისტერი" "იუვენტუსს" ფეხბურთელის სანაცვლოდ 70 მილიონ ევროს გადაუხდის, შემდეგ კი დე ლიხტი გუნდთან ერთად აშშ-ში მოსამზადებელ ტურში გაემგზავრება.
გავრცელებული ინფორმაციით, "ბაიერნი" უახლოეს დღეებში კიდევ ორ ტრანსფერს გააოფიციალურებს. მიუნხენელები "ლაიფციგიდან" 25 წლის ნახევარმცველ კონრად ლაიმერს, ხოლო "რენიდან" 17 წლის ფრანგ ფორვარდ მატის ტელის დაიმატებენ.
