"შალკემ" გვაუწყა, რომ გუნდის მწვრთნელად 49 წლის გერმანელი სპეციალისტი ტომას რეისი დანიშნა. მისი მიზანი გუნდისთვის ელიტაში ადგილის შენარჩუნება იქნება. რეისს არცთუ ისე დიდი სამწვრთნელო გამოცდილება გააჩნია და ის წარსულში მხოლოდ "ბოხუმს" ავარჯიშებდა.
გერმანული პრესის ინფორმაციით, "შალკეს" დამრიგებლად გუნდის ყოფილი ფორვარდის, რაულის დანიშვნა სურდა, თუმცა "რეალ კასტილიას" ამჟამინდელმა მენეჯერმა უარი განაცხადა.
