6 მაისს ინგლისის პრემიერლიგის 37-ე ტურის შეხვედრა გაიმართა.
ჩემპიონობისთვის მებრძოლი "მანჩესტერ სიტი" შინ "ლესტერს" ხვდებოდა. ანგარიში 70-ე წუთამდე 0:0 იყო. 70-ე წუთზე კი, მანჩესტერელთა ცენტრალურმა მცველმა და კაპიტანმა ვენსან კომპანიმ დაახლოებით 25 მეტრიდან დაარტყა და ულამაზესი გოლი გაუტანა კასპერ შმეიხელს. შეიძლება ეს გოლი ჩემპიონობის მომტანიც კი იყოს "სიტისთვის".
შეხვედრის შემდეგ ბელგიელმა მცველმა აღნიშნული მატჩის შესახებ კომენტარი გააკეთა:
"ამ სეზონში გოლი არ გამიტანია, თუმცა ასეთ მომენტებში სულ ვგრძნობ, რომ ამის გაკეთება შემიძლია. ცოტათი იმედგაცრუებული ვიყავი დღეს, რადგან ყველა მიყვიროდა - "არ
დაარტყა! არ დაარტყა!". ეს მესმოდა და ძალიან ვღიზიანდებოდი. გავიფიქრე: ამდენი რამ კარიერაში იმიტომ გავაკეთე, რომ ახალგაზრდა ფეხბურთელებმა მიმითითონ, დავარტყა თუ არა?! ამიტომ უბრალოდ ავდექი და დავარტყი!
იმის თქმა შემიძლია, რომ ასეთი გოლები ვარჯიშზე გამიტანია. იცით, სასაცილოა, 15 წელია ფეხბურთს უმაღლეს დონეზე ვთამაშობ და ნახევარმცველები სულ ამბობენ: "არ დაარტყა, პასი გააკეთე". და ეს 15 წელია მესმის. მე ვუთხარი მათ: "ერთ დღესაც საჯარიმოს გარედან დავარტყამ, გოლსაც გავიტან და თქვენ ბედნიერები იქნებით. ეს ყველაფერი დღეს მოხდა", - უთხრა კომპანიმ Sky Sports-ს.
შეგახსენებთ, პრემიერლიგაში 1 ტურია დარჩენილი. ამ ეტაპზე, "მანჩესტერ სიტი" "ლივერპულს" 1 ქულით უსწრებს. მანჩესტერელები ბოლო თამაშს "ბრაიტონთან" გამართავენ გასვლაზე, ხოლო"ლივერპული" სახლში"ვულვზს" შეხვდება.
![alt](/pictures/image50/e50fae3180532e4f5d0e67c57dbb03f2.jpg "ვინსენტ კომპანი: მატჩის დროს მეძახდნენ -"არ დაარტყა! არ დაარტყა!"")
ვენსან კომპანიმ 6 წლის შემდეგ საჯარიმოს გარედან პირველად დაარტყა კარში და "მანჩესტერ სიტი" ჩემპიონობას მიუახლოვა [VIDEO]
![სამწვრთნელო კარიერაში პირველად, გვარდიოლამ ზედიზედ 4 მატჩი წააგო - "სიტი" ამჯერად "ბრაიტონთან" დამარცხდა [VIDEO]](/pictures/image7/4f97acd2aa383f7fd5d797e97e61fe01.jpg "სამწვრთნელო კარიერაში პირველად, გვარდიოლამ ზედიზედ 4 მატჩი წააგო - \"სიტი\" ამჯერად \"ბრაიტონთან\" დამარცხდა [VIDEO]")
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
