ინგლისის თასის მესამე რაუნდში "ლივერპულმა" საკუთარ მოედანზე "ევერტონს" დუბლებით 1:0 მოუგო და 1/16-ფინალში გავიდა.
გამარჯვების გოლი 18 წლის ნახევარმცველმა კერტის ჯონსმა 71-ე წუთზე გაიტანა. ეს მის კარიერაში პირველი გოლია და რობი ფაულერის შემდეგ ლივერპულურ დერბიში გოლის გამტანი ყველაზე ახალგაზრდა ფეხბურთელია.
"ევერტონს" უკანასკნელად "ენფილდზე" გამარჯვება 20 წლის წინ ჰქონდა მოპოვებული და ვერც ამჯერად იმარჯვა.
მასპინძელთა გუნდში იაპონელი თავდამსხმელის, ტაკუმი მინამინოს დებიუტი შედგა.
მე-9 წუთზე ტრავმა მიიღო "ლივერპულის" ნახევარმცველმა ჯეიმს მილნერმა და 19 წლის ფორვარდმა იასერ ლარუსიმ შეცვალა, რომლისთვისაც ეს "წითლებში" ჩატარებული პირველი მატჩი იყო.
იურგენ კლოპის გუნდმა ზედიზედ მეექვსე მატჩი მოიგო, საერთო ანგარიშით 11:1. კლოპმა მერსისაიდულ დერბიში 1973-83 წლებში ბობი პეისლის მიერ დამყარებული 10-მატჩიანი წაუგებელი რეკორდი გაიმეორა.
"ევერტონმა" ახალი მენეჯერის, კარლო ანჩელოტის ხელმძღვანელობით, ორი მოგების შემდეგ მიჯრით მეორე შეხვედრა წააგო.
![alt](/pictures/image50/d8a5bf551bdf93d313ffc8ef7aaff4b8.jpg ""ლივერპულმა" "ევერტონს" თასზე დუბლებით სძლია")
იურგენ კლოპი: გადათამაშებას გადავურჩით - შესანიშნავი ასპარეზობა და სკაუზერის ჩინებული გოლი![alt](/pictures/image50/e33ee0744338988101845940be7d915a.jpg ""ლივერპულმა" "ევერტონს" თასზე დუბლებით სძლია")
კარლო ანჩელოტი: გარკვეული პერიოდის განმავლობაში დაცვიდან ვერ გამოვდიოდით
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
